നരേന്ദ്ര മോദി ഫ്രാന്‍സ്, രാഹുല്‍ ഗാന്ധി ക്രൊയേഷ്യ!

മുംബൈ: വിശ്വാസ വോട്ടെടുപ്പില്‍ ലോക് സഭയില്‍ നടന്ന സംഭവങ്ങള്‍ ഫുട്‍ബോള്‍ ലോകകപ്പ് ഫൈനലുമായാണ് ശിവസേന താരതമ്യപ്പെടുത്തിയത്. വിശ്വാസ വോട്ടെടുപ്പ് ജയിച്ച നരേന്ദ്ര മോദി, ലോകകപ്പ് ജയിച്ച ഫ്രാന്‍സ് ആണെന്ന് ശിവസേന പറയുന്നു. പക്ഷേ, ഒരുപാട് ആരാധകരെ നേടിയ രാഹുല്‍ ഗാന്ധി ക്രൊയേഷ്യയാണെന്നും ശിവസേന കരുതുന്നു.

'ഫ്രാന്‍സ് ആണ് കിരീടം നേടിയത്. പക്ഷേ, ലോകകപ്പ് കളിച്ച രീതിവച്ച് ഓര്‍മ്മിക്കപ്പെടുന്നത് ക്രൊയേഷ്യയാണ്. രാഹുല്‍ അതുപോലെയായിരുന്നു. ഒരാള്‍ രാഷ്ട്രീയം കളിക്കുമ്പോള്‍ നാലഞ്ച് ചുവട് മുന്‍പിലാണ് രാഹുല്‍ നിന്നത്' ശിവസേനയുടെ പരാമര്‍ശം ഇതായിരുന്നു.

ബിജെപിയുടെ സഖ്യകക്ഷികൂടിയായ ശിവസേന ഇപ്പോള്‍ ബിജെപിയുമായി അകലം പാലിക്കുകയാണ്. മോദി സര്‍ക്കാരിന് എതിരെയുള്ള ആദ്യത്തെ വിശ്വാസ വോട്ട് 325-126 എന്ന വോട്ടിനാണ് പരാജയപ്പെട്ടത്.