ജെയ്റ്റ്‍ലിക്കെതിരെയുള്ള ആരോപണത്തെ എതിര്‍ത്ത് ശിവസേന

മുബൈ: വിദേശത്തേക്ക് പോകുന്നതിന് മുമ്പ് മദ്യരാജാവായ വിജയ് മല്യ ധനമന്ത്രി അരുണ്‍ ജയ്റ്റ്ലിയെ കണ്ടിരുന്നുവെന്ന ആരോപണത്തെ എതിര്‍ത്ത് ശിവസേന. ശിവസേനയുടെ മുഖപത്രമായ സാമ്നയിലാണ് ബിജെപി അനുകൂലിച്ചും കോണ്‍ഗ്രസിനെ വിമര്‍ശിച്ചുകൊണ്ടുള്ള ലേഖനം വന്നത്.

ജെയ്റ്റ്ലിക്കെതിരെയുള്ള ഈ ആരോപണം എന്തുകൊണ്ട് കോണ്‍ഗ്രസ് ഇത്രനാളായി വെളിപ്പെടുത്താത്തതെന്നും സാമ്നയില്‍ ചോദിച്ചു. തിരഞ്ഞെടുപ്പ് കോണ്‍ഗ്രസ് ഇത്തരത്തിലുള്ള ആരോപണങ്ങള്‍ ഉന്നയിക്കുന്നതെന്നും ശിവസേന കുറ്റപ്പെടുത്തി. അരുണ്‍ ജെയ്റ്റ്ലിയെ എംപിയായ മല്യ കാണുന്നത് സ്വാഭാവികം മാത്രമാണെന്നും ഇത്തരത്തിലുള്ള ആരോപണങ്ങളുടെ പ്രസക്തയെന്തെന്നും സാമ്നയില്‍ പറയുന്നു.

ബിജെപിക്കെതിരെ തുടര്‍ച്ചയായി ആരോപണങ്ങള്‍ ഉന്നയിച്ചുവന്ന ശിവസേന അപ്രതീക്ഷിതമായാണ് സഖ്യകക്ഷിയെ പിന്തുണച്ച് രംഗത്തെത്തിയത്.