ബിജെപി നേതാക്കളെ പൂട്ടാൻ നിർദ്ദേശങ്ങളുമായി സിദ്ധരാമയ്യ

ബെംഗലൂരു: മുതിർന്ന കോൺഗ്രസ് നേതാവും കർണാടക മന്ത്രിയുമായ ഡി കെ ശിവകുമാറിന് എതിരെ നടക്കുന്ന ആദായനികുതി വകുപ്പ് റെയ്ഡിന് തിരിച്ചടി നൽകാൻ കർണാടക മുഖ്യമന്ത്രി സിദ്ധരാമയ്യുടെ നീക്കം. ഈ സാഹചര്യത്തിൽ സംസ്ഥാനത്തെ ബി ജെ പി നേതാക്കൾക്ക് എതിരെ നടപടി വരും.

ആദായനികുതി റെയ്ഡ് രാഷ്ട്രീയ പകപ്പോക്കലാണെന്നാണ് കോണ്‍ഗ്രസ് വിലയിരുത്തലില്‍. അതിനാൽ, ബി ജെ പി, ജനതാദള്‍-എസ് നേതാക്കൾക്ക് എതിരെയുള്ള കേസുകളില്‍ തുടര്‍നടപടിക്ക് നിർദ്ദേശം നൽകിയിരിക്കുകയാണ് സിദ്ധരാമയ്യ.

അഴിമതി നിരോധന ബ്യൂറോയിലും ലോകായുക്തയിലും ലഭിച്ച പരാതിയില്‍ വേഗത്തില്‍ നടപടി സ്വീകരിക്കാനാണ് സിദ്ധരാമയ്യ നിര്‍ദേശം നല്‍കിയത്. ലോകായുക്തയില്‍ ബി ജെ പി സംസ്ഥാന അധ്യക്ഷന്‍ ബി എസ് യെദ്യൂരപ്പ അടക്കം 17 നേതാക്കള്‍ക്കെതരെ പരാതിയുണ്ട്.

പരാതികളില്‍ എത്രയും പെട്ടെന്ന് പരിശോധന പൂര്‍ത്തിയാക്കി അന്വേഷണ റിപ്പോര്‍ട്ട് സമര്‍പ്പിക്കാനാണ് തീരുമാനം. ഭൂമി ഏറ്റെടുക്കല്‍ വിജ്ഞാപനം റദ്ദാക്കലുമായി ബന്ധപ്പെട്ട
ബി എസ് യെദ്യൂരപ്പക്കെതിരെ ലോകായുക്ത 15 കേസുകൾ എടുത്തിരുന്നു. എന്നാൽ, കര്‍ണാടക ഹൈക്കോടതി ഈ കേസുകള്‍ റദ്ദാക്കിയിരുന്നു.

ഇതിനെതിരേ കര്‍ണാടക സർക്കാർ സുപ്രീംകോടതിയെ സമീപിച്ചിരിക്കുകയാണ്.

Siddaramaiah questions timing of IT raids

Siddaramaiah says BJP has no moral right to seek Shivakumar’s resignation’