ദളിത് മുഖ്യമന്ത്രിക്കായി മാറികൊടുക്കാന്‍ തയ്യാറെന്ന് സിദ്ധരാമയ്യ

ബെംഗളൂരു: ദളിത് മുഖ്യമന്ത്രിക്കായി മുഖ്യമന്ത്രി സ്ഥാനം ഒഴിയാന്‍ തയ്യാറാണെന്ന പ്രസ്താവനയുമായി മുഖ്യമന്ത്രി സിദ്ധരാമയ്യ. ഒരു ദളിതന്‍ മുഖ്യമന്ത്രിയാകുന്നതിനെ താന്‍ ഒരിക്കലും എതിര്‍ത്തിട്ടില്ല.

മല്ലികാര്‍ജ്ജുന ഖാര്‍ഗെയോട് തികഞ്ഞ ബഹുമാനമാണുള്ളത്. പാര്‍ട്ടി ഹൈക്കമാന്‍ഡാണ് കാര്യങ്ങളെല്ലാം തീരുമാനിക്കുകയെന്നും സിദ്ധരാമയ്യ പറഞ്ഞു.

പ്രചാരണ വേളയില്‍ മോദി അടക്കം പല ബിജെപി നേതാക്കളും സിദ്ധരാമയ്യക്ക് പകരം ഒരു ദളിത് മുഖത്തെ മുഖ്യമന്ത്രിയാക്കുമോ എന്ന് കോണ്‍ഗ്രസ് നേതൃത്വത്തോട് നേരത്തേ വെല്ലുവിളിച്ചിരുന്നു