'സംസ്ഥാനങ്ങള്‍ക്ക് നല്‍കുന്ന പണത്തെപ്പറ്റി മോദിയുടെ വീരവാദം വേണ്ട'

ബെംഗളുരു: സംസ്ഥാനങ്ങള്‍ക്ക് നല്‍കുന്ന പണത്തെപ്പറ്റി അധികം വീരവാദം അവകാശവാദങ്ങള്‍ക്ക് മുതിരേണ്ടെന്ന് പ്രധാനമന്ത്രി നരേന്ദ്ര മോദിയോട് കര്‍ണാടക മുഖ്യമന്ത്രി സിദ്ധരാമയ്യ. സംസ്ഥാനങ്ങള്‍ കേന്ദ്രത്തിന് നല്‍കുന്ന പണമാണ് കേന്ദ്രം തിരിച്ചു നല്‍കുന്നതെന്ന് അദ്ദേഹം ചൂണ്ടിക്കാട്ടി. വസ്തുനിഷ്ടമായും സത്യസന്ധമായും തിരഞ്ഞെടുപ്പിൽ പോരാടാൻ സിദ്ധരാമയ്യ ബിജെപിയെ വെല്ലുവിളിച്ചു.

എൻഡിഎ സര്‍ക്കാരിന് കീഴിൽ കര്‍ണാടകയ്ക്ക് അനുവദിക്കുന്ന പണത്തിന്‍റ കാര്യത്തിൽ 180 ശതമാനം വര്‍ദ്ധനയുണ്ടായതായി കഴിഞ്ഞ ദിവസം മോദി പ്രസംഗിച്ചിരുന്നു. ഇതിനു മറുപടിയായാണ് സിദ്ധരാമയ്യയുടെ പ്രസ്താവന. യുപിഎ സര്‍ക്കാര്‍ 73000 കോടി നല്‍കിയ സ്ഥാനത്ത് എൻഡിഎ സര്‍ക്കാര്‍ രണ്ട് ലക്ഷം കോടി നല്‍കിയെന്നായിരുന്നു മോദിയുടെ വാദം.