ദൈവത്തിന്റെ കൈ ഇനി നാടോടികഥകളില്‍; മറഡോണയ്ക്ക് ആദരാഞ്ജലി അര്‍പ്പിച്ച് സീതാറാം യെച്ചൂരി

കാല്‍പ്പന്തുകളിയിലെ ഇതിഹാസം ഡീഗോ മറഡോണയ്ക്ക് ആദരാഞ്ജലി അര്‍പ്പിച്ച് സിപിഐഎം ദേശീയ ജനറല്‍ സെക്രട്ടറി സീതാറാം യെച്ചൂരി. മറഡോണയുടെ ഏറെ ചര്‍ച്ചയായ ദൈവത്തിന്റെ കൈ ഗോളിനെ ഓര്‍ത്തു കൊണ്ടാണ് യെച്ചൂരി അനുശോചിച്ചത്. മറഡോണയുടെ ചിത്രങ്ങള്‍ പങ്കുവെച്ചു കൊണ്ട് ഫേസ്ബുക്കിലൂടെയാണ് കുറിപ്പ് പങ്കുവെച്ചത്.

Also Read: നിവാറില്‍ വിറങ്ങലിച്ച് തമിഴ്‌നാട്; 2 മരണം, 70 ഓളം വിമാനങ്ങള്‍ റദ്ദാക്കി

'ഫുട്‌ബോള്‍ ഇതിഹാസം ഡീഗോ മറഡോണ നമ്മെ ഇത്രവേഗം വിട്ടുപോയതില്‍ വളരെ വേദനാജനകമാണ്. ദൈവത്തിന്റെ കൈ ഇനി നാടോടിക്കഥകളിലേക്ക് പോകുന്നു. അഗാധമായ ആദരാഞ്ജലികള്‍', യെച്ചൂരി ഫേസ്ബുക്കില്‍ കുറിച്ചു.

സീതാറാം യെച്ചൂരിയുടെ ഫേസ്ബുക്ക് കുറിപ്പ്:

മുന്‍ ക്യൂബന്‍ പ്രസിഡന്റ് ഫിഡല്‍ കാസ്‌ട്രോയോടൊപ്പം മറഡോണ നില്‍ക്കുന്ന ചിത്രവും കൈയ്യില്‍ പച്ച കുത്തിയ ചെഗുവേരയുടെ ചിത്രവും യെച്ചൂരി പങ്കുവെച്ചു.

ഹൃദയാഘാതത്തെ തുടര്‍ന്നാണ് ബുധനാഴ്ച (നവംബര്‍, 25) ഡീഗോ മറഡോണ മരിച്ചത്. ടിഗ്രെയിലെ വസതിയില്‍ വെച്ചായിരുന്നു അന്ത്യം. തലച്ചോറില്‍ രക്തം കട്ടപിടിച്ചതിനെ തുടര്‍ന്ന് ചികിത്സയിലായിരുന്നു താരം. കഴിഞ്ഞ ഒരാഴ്ചയായി മറഡോണ ഭക്ഷണം കഴിക്കാന്‍ തയ്യാറാകുന്നില്ലെന്നും വിഷമത്തിലാണെന്നും അദ്ദേഹത്തോട് അടുത്ത വൃത്തങ്ങള്‍ വ്യക്തമാക്കിയിരുന്നു.

Also Read: മാർച്ച് തടഞ്ഞ് പോലീസ്; കർഷകർക്ക് നേരെ ജലപീരങ്കിയും കണ്ണീർവാതകവും

ഈ മാസാദ്യം 80 മിനിറ്റ് നീളുന്ന ശസ്ത്രക്രിയയിലൂടെയാണ് അദ്ദേഹത്തിന്റെ തലച്ചോറില്‍ നിന്നും കട്ടപിടിച്ച രക്തം നീക്കിയത്. വിഷാദരോഗത്തെ തുടര്‍ന്ന് ആശുപത്രിയില്‍ പ്രവേശിപ്പിച്ചപ്പോഴാണ് തലച്ചോറില്‍ രക്തം കട്ടപിടിച്ചതായി കണ്ടെത്തിയത്.