ഹാഥ്രസില്‍ തീര്‍ഥാടകര്‍ക്ക് ഇടയിലേക്ക് ട്രക്ക് ഇടിച്ചു കയറി, ആറ് പേര്‍ മരിച്ചു

ഹാഥ്രസ്: ഉത്തര്‍പ്രദേശിലെ ഹാഥ്രസില്‍ തീര്‍ഥാടകര്‍ക്ക് ഇടയിലേക്ക് ട്രക്ക് ഇടിച്ചു കയറി ആറ് പേര്‍ മരിച്ചു. നിരവധി പേര്‍ക്ക് പരിക്കേറ്റു. ഒരാളുടെ നില ഗുരുതരമാണ്. ഇന്ന് പുലര്‍ച്ചെ 2.15 ഓടെയാണ് അപകടം ഉണ്ടായത്. ഹരിദ്വാറില്‍ നിന്ന് ഗ്വാളിയാറിലേക്ക് പോകുകയായിരുന്നവരാണ് അപകടത്തില്‍പെട്ടത്.

Also Read: ആഫ്രിക്കന്‍ പന്നിപ്പനി: ഫാമിന്‍റെ ഒരു കിലോമീറ്റര്‍ ചുറ്റളവിലെ മുഴുവന്‍ പന്നികളെയും കൊന്നൊടുക്കും


ഹാഥ്രസിലെ സദാബാദ് പോലീസ് സ്‌റ്റേഷന്‍ പരിധിയിലാണ് അപകടം ഉണ്ടായത്. മരിച്ചവരുടെ മൃതദേഹം പോസ്റ്റ്മാര്‍ട്ടത്തിന് അയച്ചിട്ടുണ്ട്. പരിക്കേറ്റവരെ ആഗ്ര മെഡിക്കല്‍ കോളജില്‍ പ്രവേശിപ്പിച്ചു. മധ്യപ്രദേശിലെ ഗ്വാളിയാറില്‍ നിന്നും എത്തിയവരാണ് അപകടത്തില്‍പെട്ടത്.

Also Read: മണ്ണാർക്കാട്ടെ സദാചാര ആക്രമണം; ഒരാൾ അറസ്റ്റിൽ

സംഭവത്തില്‍ പോലീസ് അന്വേഷണം ആരംഭിച്ചിട്ടുണ്ട്. തീര്‍ഥാടകരെ ഇടിച്ച ശേഷം ട്രക്ക് നിര്‍ത്താതെ പോയതായി ദൃക്‌സാക്ഷികള്‍ പറഞ്ഞു. ട്രക്ക് ഡ്രൈവറെ കുറിച്ച് വിവരം ലഭിച്ചിട്ടുണ്ട്. ഇയാളെ ഉടന്‍ പിടികൂടുമെന്ന് എഡിജി കൃഷ്ണ അറിയിച്ചു.