പതിനെട്ടുകാരിയുടെ ഭര്‍ത്താവായി പത്തു വയസുകാരൻ; വിവാദ പരമ്പരയ്ക്കെതിരെ മന്ത്രി

പതിനെട്ടുകാരിയുടെ ഭര്‍ത്താവായി പത്തു വയസുകാരൻ എത്തുന്ന വിവാദ പരമ്പരയായ 'പെഹരെദാര്‍ പിയ കി'യ്ക്കെതിരെ കേന്ദ്ര വാര്‍ത്താ വിതരണ പ്രക്ഷേപണ മന്ത്രി സ്മൃതി ഇറാനി രംഗത്ത്. വിവാദ പരമ്പരയ്ക്കെതിരെ ഉടൻ നടപടി കൈക്കൊള്ളണമെന്ന് മന്ത്രി ബ്രോഡ്കാസ്റ്റിങ് കൗണ്‍സിലിനോട് ആവശ്യപ്പെട്ടു. 10 വയസ്സുകാരനായ ബാലന്‍ 18 വയസ്സുകാരിയെ പ്രണയിക്കുന്നതാണ് സീരിയലിന്‍റെ പ്രമേയം. ഇതിനെതിരെ ഒട്ടേറെ പേര്‍ രംഗത്തെത്തിയിരുന്നു. എന്നാൽ പരമ്പര കൂടുതൽ വിവാദവുമായി മുന്നേറുകയായിരുന്നു. തുടര്‍ന്നാണ് വിഷയത്തിൽ മന്ത്രി ഇടപെടുന്നത്.



പെറ്റീഷന്‍ ഒാണ്‍ ചാര്‍ജ് ഡോട്ട് കോം ബ്രോഡ്​കാസ്റ്റിങ് കോര്‍പ്പറേഷന്‍റെ വെബ്സൈറ്റിലാണ് സീരിയലിനെതിരെ വ്യാപകമായ പരാതികള്‍ ഉയര്‍ന്നത്. സീരിയൽ കുട്ടികളെ വഴി തെറ്റിക്കുന്ന വിധത്തിലുള്ള ആശയങ്ങളാണ് ഇതിലൂടെ പ്രചരിപ്പിക്കുന്നതെന്നാണ് ആരോപണം. ഒരു ലക്ഷത്തി ഇരുപത്തയ്യായിരം പേരാണ് സീരിയലിനെതിരെയുള്ള പരാതിയെ പിന്തുണച്ച് കൊണ്ട് ഒപ്പ് വെച്ചത്.



18 വയസ്സായ പെണ്‍കുട്ടിയും 10 വയസ്സുകാരനായ ബാലനും തമ്മില്‍ വിവാഹിതരാകുന്നതും അവരുടെ ഹണിമൂണുമൊക്കെ സീരിയലില്‍ പല എപ്പിസോഡുകളായി സംപ്രേക്ഷണം ചെയ്തു. ഇതിലെ നായികാ കഥാപാത്രത്തെ അവതരിപ്പിക്കുന്ന തേജസ്വി പ്രകാശ് തങ്ങളുടെ സീരിയലിലൂടെ ഉയര്‍ത്തുന്നത് പുരോഗമന ആശയമാണെന്ന് വാദിച്ചിരുന്നു. ഇതും വൻ വിവാദത്തിന് വഴി വെച്ചിരുന്നു. ഇതേ വിമര്‍ശകര്‍ സീരിയല്‍ കണ്ട ശേഷം എന്തുപറയുമെന്ന് അറിയാന്‍ ആഗ്രഹമുണ്ടെന്നും അവര്‍ കൂട്ടിച്ചേര്‍ത്തു. അഫാന്‍ ഖാനാണ് സീരിയലില്‍ രതന്‍ സിങ് എന്ന ബാലന്‍റെ വേഷം ചെയ്യുന്നത്.

Smriti Irani writes to broadcast council to take action against ‘Pehredaar Piya Ki’

Union Information and Broadcasting Minister Smriti Irani has reportedly written to the Broadcasting Content Complaints Council to take action against Sony Pictures Television’s controversial show Pehredaar Piya Ki.