ഒരു വര്‍ഷം മുമ്പുള്ള യോഗ ചിത്രം പങ്കുവെച്ച് കമല്‍നാഥ്; സോഷ്യല്‍ മീഡിയയില്‍ ട്രോള്‍ മഴ

ഭോപ്പാല്‍: മധ്യപ്രദേശ് കോണ്‍ഗ്രസ് പ്രസിഡന്റ് കമല്‍ നാഥിന് സോഷ്യല്‍ മീഡയയില്‍ ട്രോള്‍ മഴ. കഴിഞ്ഞ വര്‍ഷത്തെ യോഗ ചിത്രം ട്വിറ്ററില്‍ പങ്കുവെച്ചതിനെ തുടര്‍ന്നാണ് സോഷ്യല്‍ മീഡിയയില്‍ വിമര്‍ശനം ഉയരുന്നത്. അന്താരാഷ്ട്ര യോഗ ദിനത്തിലാണ് അദ്ദേഹം ഈ ചിത്രം പങ്കുവെച്ചത്.

Also Read: 400 പിന്നിട്ട് രാജ്യത്ത് പ്രതിദിന മരണനിരക്ക്, 14,821 കൊവിഡ് രോഗികള്‍

'അന്താരാഷ്ട്ര യോഗ ദിനത്തില്‍ എല്ലാവര്‍ക്കും ആശംസകള്‍. യോഗ പരിശീലിക്കുന്നതിലൂടെ നമുക്ക് കൂടുതല്‍ ചുറുചുറുക്കോടെയും ഏകാഗ്രതയോടെയും ശ്രദ്ധയോടെയും ഒപ്പം പോസിറ്റീവ് എനര്‍ജിയോടു കൂടിയും പ്രവര്‍ത്തിക്കാന്‍ സാധിക്കും. എല്ലാ ദിവസവും യോഗ അഭ്യസിക്കൂ. ആരോഗ്യത്തോടെ ഇരിക്കൂ', കമല്‍നാഥിന്റെ ഓഫീസ് ട്വിറ്ററില്‍ പങ്കുവെച്ചു.


മധ്യപ്രദേശ് മുഖ്യമന്ത്രി ആയിരിക്കുമ്പോള്‍ കഴിഞ്ഞ വര്‍ഷം ഇതേ ചിത്രം തന്നെ യോഗ ദിനത്തില്‍ അദ്ദേഹം പങ്കുവെച്ചത്. ഇതാണ് സോഷ്യല്‍ മീഡിയയില്‍ വിമര്‍ശനത്തിന് വഴിവെച്ചത്. 'ഈ വര്‍ഷം നിങ്ങള്‍ യോഗ പരിശീലിച്ചോ? നിങ്ങള്‍ കഴിഞ്ഞ വര്‍ഷത്തെ ചിത്രമാണ് പങ്കുവെച്ചത്', ട്വിറ്റര്‍ ഉപയോക്താവ് ചോദിച്ചു. 'കഴിഞ്ഞ വര്‍ഷം മുതല്‍ കമല്‍ നാഥ് യോഗ പരിശീലിക്കുന്നതിന്റെ തിരക്കിലാണ്', മറ്റൊരു ട്വിറ്റര്‍ ഉപയോക്താവ് പറഞ്ഞു.

Also Read: കൊവിഡിനിടയില്‍ പകര്‍ച്ചപ്പനിയും; പ്രാരംഭലക്ഷണങ്ങള്‍ ഒരുപോലെ, ഭീതിയേറുന്നു

'ഈ വര്‍ഷം എടുത്ത ഫോട്ടോ അദ്ദേഹത്തിന് ലഭിച്ചിട്ടുണ്ടാകില്ല, അതായിരിക്കും കഴിഞ്ഞവര്‍ഷത്തെ ചിത്രം പങ്കുവെച്ചത്', ബിജെപി വക്താവ് രജനീഷ് അഗര്‍വാള്‍ പറഞ്ഞു. 'കമല്‍നാഥിന്റെ ഓഫീസിന്റെ ട്വിറ്റര്‍ ഹാന്‍ഡിലില്‍ നിന്നാണ് ചിത്രം പങ്കുവെച്ചച്. അന്താരാഷ്ട്ര യോഗ ദിനത്തില്‍ എല്ലാവര്‍ക്കും ആശംസ നല്‍കാനാണ് ചിത്രം പങ്കുവെച്ചത്. പ്രതീകാത്മക ചിത്രമാണത്. ഞായറാഴ്ച എടുത്ത ഫോട്ടോയാണിതെന്ന് എവിടെയും പറഞ്ഞിട്ടില്ല. വ്യാജ വാര്‍ത്തകളിലും വൃത്തികെട്ട രാഷ്ട്രീയത്തിലും വിദഗ്ധരായ ബിജെപി നേതാക്കള്‍ മറ്റുള്ളവരെ തെറ്റിദ്ധരിപ്പിക്കാനുള്ള പ്രചരണത്തിന് തുടക്കിമിട്ടിരിക്കുകയാണ്', മീഡിയ കോര്‍ഡിനേറ്റര്‍ നരേന്ദ്ര സലൂജ പറഞ്ഞു.