മദ്യപിച്ച് വണ്ടിയോടിച്ച് അപകടം: നഷ്‍ടപരിഹാരം സ്വന്തം പോക്കറ്റില്‍നിന്ന് നല്‍കണം

ന്യൂഡല്‍ഹി: ഇനി മുതല്‍ മദ്യപിച്ച് വാഹനമോടിക്കുന്നവര്‍ ഉണ്ടാക്കുന്ന അപകടത്തിന് ഇന്‍ഷുറന്‍സ് കമ്പനികള്‍ നഷ്‍ടപരിഹാരം നല്‍കില്ല. പകരം മദ്യലഹരിയില്‍ വാഹനമോടിച്ച വ്യക്തി തന്നെ മരണം, പരിക്ക്, മറ്റ് അപകടം എന്നിവയ്‍ക്കുള്ള നഷ്‍ടപരിഹാരം നല്‍കണം. കഴിഞ്ഞ ദിവസം ലോക്‍സഭയില്‍ അവതരിപ്പിച്ച മോട്ടോര്‍ വാഹന നിയമ ഭേദഗതിയിലാണ് ഇക്കാര്യം പറയുന്നത്.

നിയമം കര്‍ശനമാക്കാനാണ് സര്‍ക്കാര്‍ തീരുമാനമെങ്കിലും മദ്യപിച്ച് വാഹനമോടിച്ചുണ്ടാകുന്ന അപകടത്തില്‍ ആരെങ്കിലും കൊല്ലപ്പെട്ടാല്‍ മനപൂര്‍വമല്ലാത്ത വധശ്രമത്തിന് കുറ്റം ചാര്‍ത്താനുള്ള വകുപ്പ് നിയമത്തില്‍ ചേര്‍ത്തിട്ടില്ല. 10 വര്‍ഷം വരെ തടവ് ലഭിക്കാവുന്ന കുറ്റമാണിത്.

നിയമത്തില്‍ പാര്‍ലമെന്‍ററി സമിതി നിര്‍ദേശിച്ച മാറ്റങ്ങള്‍ ഗതാഗത മന്ത്രാലയം സ്വീകരിച്ചെങ്കിലും ഇന്ത്യന്‍ ശിക്ഷാ നിയമത്തില്‍ മാറ്റം വരുത്തേണ്ടതിനാല്‍ ആഭ്യന്തര മന്ത്രാലയത്തിന് കൈമാറിയിരിക്കുകയാണ്. എന്നാല്‍, മദ്യപിച്ച് വാഹനമോടിക്കുന്നത് നിരുത്സാഹപ്പെടുത്താനാണ് ഭേദഗതി കൊണ്ടുവരുന്നതെങ്കിലും കുറ്റം ചെയ്‍തയാളുടെ സാമ്പത്തികശേഷി അടിസ്ഥാനപ്പെടുത്തിയാകും നഷ്‍ടപരിഹാരം എന്നതിനാല്‍ ഇരകള്‍ക്ക് ലഭിക്കുന്ന നഷ്‍ടപരിഹാരം കുറഞ്ഞുപോകാന്‍ സാധ്യതയുണ്ടെന്നാണ് വിദഗ്‍ധാഭിപ്രായം.

Soon, drunk drivers will have to pay damages on own

Insurance companies will not pay any compensation to victims in accidents caused by drunk driving.