എന്നെ പരീക്ഷ എഴുതാന്‍ അനുവദിച്ചില്ല; 14 കാരിയുടെ ആത്മഹത്യാകുറിപ്പ്

ഹൈദരാബാദ്: ഫീസ് അടയ്ക്കാത്തിന്റെ പേരിൽ സ്കൂൾ അധികൃതർ പരീക്ഷ എഴുതാൻ അനുവദിക്കാത്തതിൽ മനംനൊന്ത് ഒൻപതാം ക്ലാസ് വിദ്യാർഥിനി ജീവനൊടുക്കി. ഹൈദരാബാദിലെ മല്‍കാജഗിരിയിലെ ജ്യോതി സ്കൂള്‍ വിദ്യാര്‍ത്ഥിനി സായ് ദീപ്തിയാണ് ജീവനൊടുക്കിയത്.

പരീക്ഷ എഴുതാൻ അനുവദിക്കാത്തതാണ് ജീവനൊടുക്കാൻ കാരണമെന്ന് വ്യക്തമാക്കുന്ന ആത്മഹത്യാ കുറിപ്പ് പോലീസ് കണ്ടെടുത്തിട്ടുണ്ട്. അവർ എന്നെ പരീക്ഷ എഴുതാൻ സമ്മതിച്ചില്ല. അമ്മ ക്ഷമിക്കണം’ – സായ് ദീപ്തി ആത്മഹത്യാ കുറിപ്പിൽ പറയുന്നു.

സ്കൂൾ ഫീസ് അടയ്ക്കാത്തതിന്റെ പേരിൽ മറ്റു കുട്ടികളുടെ മുന്നിൽവച്ച് അധ്യാപകർ അവഹേളിച്ചതായി സായി ദീപ്തി പറഞ്ഞിരുന്നെന്ന് മൂത്ത സഹോദരി വെളിപ്പെടുത്തി. ഈ സംഭവം സായി ദീപ്തിയെ വല്ലാതെ ബാധിച്ചിരുന്നതായും സഹോദരി പറഞ്ഞു. സ്കൂൾ മാനേജ്മെന്റിനെതിരെ പൊലീസ് കേസെടുത്തു.