രജനീകാന്തിന്റെ പാര്‍ട്ടി ഉടന്‍; ലക്ഷ്യം 2021 തമിഴ്‌നാട് തെരഞ്ഞെടുപ്പ്, മുഖ്യമന്ത്രി സ്ഥാനാര്‍ഥിയാകണമെന്ന് പ്രവര്‍ത്തകര്‍

ചെന്നൈ: 2021 ലെ തമിഴ്‌നാട് നിയമസഭാ തെരഞ്ഞെടുപ്പിന് മുന്നോടിയായി രാഷ്ട്രീയ പാര്‍ട്ടി ആരംഭിക്കാന്‍ ഒരുങ്ങി രജനീകാന്ത്. തിങ്കളാഴ്ച ചെന്നൈയില്‍ അദ്ദേഹം ഭാരവാഹികളെ സന്ദര്‍ശിച്ചതായി അദ്ദേഹത്തിന്റെ പാര്‍ട്ടി വൃത്തങ്ങള്‍ അറിയിച്ചു. ഇന്ന് നടക്കുന്ന പാര്‍ട്ടി യോഗത്തില്‍ രജനീകാന്ത് പാര്‍ട്ടിയുടെ മുഖ്യമന്ത്രി സ്ഥാനാര്‍ഥിയാകണമെന്ന് പ്രവര്‍ത്തകര്‍ ആവശ്യപ്പെടും.

Also Read: കേരളത്തില്‍ മഴ കനക്കും; ഇടുക്കിയില്‍ റെഡ് അലേര്‍ട്ട്, 70 കിമീ വേഗതയില്‍ കാറ്റ് വീശും

ആരോഗ്യപരമായ പ്രശ്‌നങ്ങള്‍ നിലനില്‍ക്കുമ്പോള്‍ രാഷ്ട്രീയത്തിലേക്ക് കടക്കുന്നതിനെതിരെ ഡോക്ടര്‍മാര്‍ നിര്‍ദേശിച്ച അതേ സമയത്താണ് പാര്‍ട്ടി രൂപീകരണത്തിന് രജനീകാന്ത് മുതിരുന്നെന്ന വാര്‍ത്തകള്‍ പുറത്തുവരുന്നത്. രജനി മക്കള്‍ മണ്‍റത്തിന്റെ ജില്ലാ സെക്രട്ടറിമാരുമായുള്ള കൂടിക്കാഴ്ച ചെന്നൈയിലെ രജനീകാന്തിന്റെ രാഘവേന്ദ്ര കല്യാണ മണ്ഡപത്തിലാണ് നടക്കുന്നത്.


രജനി മക്കള്‍ മണ്‍റത്തിന്റ ഭാരവാഹികളുമായി കൂടിയാലോചിച്ച ശേഷം ശരിയായ സമയത്ത് രാഷ്ട്രീയ നിലപാടിനെ കുറിച്ച് ജനങ്ങളെ അറിയിക്കുമെന്ന് ഒരു മാസം മുമ്പ് രജനീകാന്ത് പറഞ്ഞിരുന്നു. ഇതിനുപിന്നാലെ, രജനീകാന്തിന്റെ പാര്‍ട്ടി രൂപീകരണം ഉടന്‍ ഉണ്ടാകുമെന്നാണ് പ്രവര്‍ത്തകര്‍ പ്രതീക്ഷിക്കുന്നത്.

Also Read: കൊച്ചിയില്‍ കെഎസ്ആര്‍ടിസി ബസ് മരത്തിലിടിച്ച് ഡ്രൈവര്‍ മരിച്ചു; 26 പേര്‍ക്ക് പരിക്ക്

2021 ഏപ്രില്‍- മെയ് മാസങ്ങളിലാണ് തമിഴ്‌നാട്ടില്‍ നിയമസഭാ തെരഞ്ഞെടുപ്പ് നടക്കുന്നത്. 2016 ല്‍ വൃക്ക മാറ്റിവയ്ക്കല്‍ ശസ്ത്രക്രിയ നടത്തിയതിനാലും കൊവിഡ് മഹാമാരി മൂലം ഡോക്ടര്‍മാര്‍ രാഷ്ട്രീയത്തില്‍ പ്രവേശിക്കുന്നതിനെതിരെ നിര്‍ദേശം നല്‍കിയിട്ടുണ്ടെന്നും രജനീകാന്ത് ഒക്ടോബര്‍ 29 ന് വ്യക്തമാക്കിയിരുന്നു.