കശ്മീർ വിഷയത്തിൽ ഇടപെടില്ലെന്ന് യുഎൻ; പാകിസ്ഥാന് തിരിച്ചടി

യുണൈറ്റഡ് നേഷൻസ്: അടിയന്തരമായി കശ്മീർ വിഷയത്തിൽ ഇടപെടണമെന്ന പാകിസ്ഥാന്റെ ആവശ്യം നിരാകരിച്ച് യുഎൻ. ഇക്കാര്യത്തിൽ രണ്ട് രാജ്യങ്ങളും തമ്മിൽ ചർച്ചകളിലൂടെ പ്രശ്നം പരിഹരിക്കണമെന്നാണ് യുഎൻ സെക്രട്ടറി ജനറലിന്റെ നിലപാടെന്നും സെക്രട്ടറി ജനറലിന്റെ വക്താവ് സ്റ്റീഫൻ ഡുജാറിക് പറഞ്ഞു.

പാകിസ്ഥാന്‍ ഭീകര രാഷ്ട്രം, കശ്‍മീര്‍ ഇന്ത്യയുടെ ആഭ്യന്തര വിഷയം; തിരിച്ചടിച്ച് ഇന്ത്യ

കഴിഞ്ഞ ദിവസം യുഎൻ മനുഷ്യാവകാശ കൗൺസിലിലാണ് കാശ്മീർ വിഷയത്തിൽ പാകിസ്ഥാൻ ഇന്ത്യക്കെതിരെ ആരോപണം ഉന്നയിച്ചത്. കാശ്മീരികൾ ഇന്ത്യൻ സൈന്യത്തിന്റെ തടവറയിലാണെന്ന് പാക് വിദേശകാര്യ മന്ത്രി ആരോപിച്ചു. വിഷയത്തിൽ അടിയന്തരമായി യുഎൻ ഇടപെടണമെന്നായിരുന്നു പാകിസ്ഥാന്റെ ആവശ്യം.

ട്രാഫിക് നിയമലംഘനം: പിഴ തുക സംസ്ഥാനങ്ങൾക്ക് തീരുമാനിക്കാം

കാശ്മീർ ആഭ്യന്തര വിഷയമാണെന്നും ഇതിൽ വേറൊരു രാജ്യത്തിന് ഒരിക്കലും കൈകടത്താൻ സാധിക്കില്ലെന്നും ഇന്ത്യ വ്യക്തമാക്കി. വിദേശകാര്യ സെക്രട്ടറി വിജയ് ഥാക്കൂര്‍ സിങ്ങാണ് ഇക്കാര്യം യുഎൻ കൗൺസിലിൽ വ്യക്തമാക്കിയത്. ജമ്മുകാശ്മീരിലെ ജനങ്ങളുടെ പുരോഗതിക്ക് ഉതകുന്ന നയങ്ങളാണ് അവതരിപ്പിച്ചിരിക്കുന്നതെന്നും ഇന്ത്യ പറഞ്ഞു.

വെള്ളം നൽകിയ മൃഗശാല സൂക്ഷിപ്പുക്കാരന്‍റെ വിരൽ കടുവ കടിച്ചെടുത്തു

അതേസമയം ബിയാരിറ്റ്സിലെ ജി 7 ഉച്ചകോടിയിൽ പ്രധാനമന്ത്രി നരേന്ദ്ര മോദി യുഎൻ സെക്രട്ടറി ജനറൽ അന്റോണിയോ ഗുട്ടറെസുമായും പാക് വിദേശകാര്യ മന്ത്രി ഷാ മഹ്മൂദ് ഖുറേഷിയുമായും ചർച്ച നടത്തിയിരുന്നു.