നടി ശ്രീദേവിയുടെ മൃതദേഹം എത്തിക്കുന്നത് തിങ്കളാഴ്ച വൈകിട്ട്

ദുബായ്: ഔദ്യോഗിക നടപടികള്‍ക്ക് ശേഷം നടി ശ്രീദേവിയുടെ മൃതദേഹം നാളെ വൈകുന്നേരത്തോടെ മുംബൈയിൽ എത്തിക്കുമെന്ന് അധികൃതര്‍. ഫൊറൻസിക് പരിശോധനാഫലങ്ങള്‍ വൈകിയതാണ് കാരണം.

ഇന്നു തന്നെ മൃതദേഹം മുംബൈയിൽ എത്തിക്കാനായിരുന്നു ഇന്ത്യൻ കോൺസുലേറ്റിന്‍റെ ശ്രമമെങ്കിലും ഇൻക്വസ്റ്റ് നടപടികള്‍ക്ക് ശേഷം റിപ്പോര്‍ട്ട് വരാതെ മരണകാരണം ഉള്‍പ്പെടെ ഒന്നും പറയാനാകില്ലെന്നതാണ് നിലവിലെ സ്ഥിതി. ഇന്‍ക്വസ്റ്റ് നടപടികള്‍ക്കായി മൃതദേഹം മുഹൈസിനയിലെ മെഡിക്കൽ ഫിറ്റ്നസ് സെന്‍ററിലേയ്ക്ക് കൊണ്ടുപോകുമെന്ന് അറിയുന്നു.

നിലവിൽ അൽ ഖിസൈസിലുള്ള പോലീസ് ആസ്ഥാനത്തെ മോര്‍ച്ചറിയിലാണ് മൃതദേഹം. അവിടെയുള്ള കോൺസുലേറ്റ് ഉദ്യോഗസ്ഥര്‍ മാധ്യമങ്ങളുമായി സംസാരിച്ചിട്ടില്ല.

ഫോറൻസിക് റിപ്പോര്‍ട്ട് ഉള്‍പ്പെടെ വന്ന ശേഷമായിരിക്കും മൃതദേഹം ഇന്ത്യയിലേയ്ക്ക് അയയ്ക്കാനുള്ള നടപടികള്‍ ആരംഭിക്കുകയെന്ന് കോൺസൽ ജനറൽ വിപുൽ അറിയിച്ചു. ശനിയാഴ്ച രാത്രിയായിരുന്നു നടി ശ്രീദേവിയുടെ അന്ത്യം.