ഡിഎംകെ അധ്യക്ഷ സ്ഥാനത്തേക്ക് സ്റ്റാലിന്‍ നാമനിര്‍ദ്ദേശം നല്‍കി

ചെന്നൈ: കരുണാനിധിയുടെ മരണത്തെ തുടര്‍ന്ന് ഒഴിവുവന്ന ഡിഎംകെ അധ്യക്ഷ സ്ഥാനത്തേക്കുള്ള തിരഞ്ഞെടുപ്പിനായി എംകെ സ്റ്റാലിന്‍ നാമനിര്‍ദ്ദേശ പത്രിക സമര്‍പ്പിച്ചു. നിലവില്‍ ഡിഎംകെയുടെ വര്‍ക്കിംഗ് പ്രസിഡന്‍റാണ് സ്റ്റാലിന്‍.

ഒാഗസ്റ്റ് ഏഴിനായിരുന്നു കരുണാനിധിയുടെ അന്ത്യം. സ്റ്റാലിനെതിരെ അദ്ദേഹത്തിന്‍റെ സഹോദരന്‍ എം.കെ അളഗിരിയും രംഗത്തുണ്ട്. ചൊവ്വാഴ്ചയാണ് തിരഞ്ഞെടുപ്പ്.

ആരോഗ്യ പ്രശ്നങ്ങളെത്തുടര്‍ന്നു കരുണാനിധി പൂര്‍ണവിശ്രമത്തിലേക്കു മാറിയതിനെത്തുടര്‍ന്ന് 2017 ജനുവരിയിലാണ് എം.കെ സ്റ്റാലിന്‍ വര്‍ക്കിംഗ് പ്രസിന്‍റായി ചുമതലയേറ്റത്.

സ്റ്റാലിനുമായുള്ള അഭിപ്രായ വ്യത്യാസത്തെ തുടര്‍ന്ന് 2014ലാണ് കരുണാനിധി അഴഗിരിയെ പാര്‍ട്ടിയില്‍ നിന്ന് പുറത്താക്കിയത്. സ്റ്റാലിന്‍റെ നേത‍‍ൃത്തില്‍ തുടരുന്നതുവരെ പാര്‍ട്ടി ഒരു തിരഞ്ഞെടുപ്പും ജയിക്കില്ലെന്നുവരെ അഴഗിരി വിമര്‍ശിച്ചിരുന്നു. എന്നാല്‍ കരുണാനിധിയെ ആശുപത്രിയില്‍ പ്രവേശിപ്പിച്ചതിശേഷം കുടുബം ഐക്യത്തിലായിരുന്നു. വീണ്ടും അധ്യക്ഷ തിരഞ്ഞെടുപ്പിലേക്ക് കടക്കുമ്പോള്‍ കുടുംബത്തില്‍ ഭിന്നത രൂപപ്പെടുകയാണ്. സത്യസന്ധരായ പാര്‍ട്ടി അണികള്‍ തന്‍റെ പക്ഷത്താണെന്ന അവകാശവാദവുമായി അഴഗിരി കഴിഞ്ഞ ദിവസം രംഗത്തെത്തിയിരുന്നു.