സണ്ണി ലിയോണിന്‍റെ ജന്മദിനമായതിനാല്‍ പരീക്ഷ എഴുതാനാവില്ല, ഉത്തരക്കടലാസിലൂടെ അറിയിച്ച് വിദ്യാര്‍ഥി

ബെംഗളൂരു: ബോളിവുഡ് നടി സണ്ണി ലിയോണിന്റെ ജന്മദിനമായതിനാല്‍ പരീക്ഷ എഴുതാനാവില്ലെന്ന് ഉത്തരക്കടലാസിലെഴുതി അറിയിച്ച് ബിരുദ വിദ്യാര്‍ഥി. വ്യാഴാഴ്ച നടന്ന മൂല്യനിര്‍ണയത്തിലാണ് വിചിത്രമായ ഉത്തരക്കടലാസ് കണ്ടെത്തിയത്. മെയ്, ജൂണ്‍ മാസങ്ങളില്‍ ആയിരുന്നു സര്‍വകലാശാല ബിരുദ (യുജി) പരീക്ഷകള്‍ നടത്തിയത്. ഉത്തരക്കടലാസില്‍ വിദ്യാര്‍ഥി കുറിച്ചത് കണ്ട് ഞെട്ടിയിരിക്കുകയാണ് അധികൃതര്‍.

Also Read: ഒരു വശം പ്രിന്‍റ് ചെയ്തിട്ടില്ല, അളവില്‍ പിഴവ്, കുടുംബ ശ്രീ വഴി വിതരണം ചെയ്തത് നിലവാരമില്ലാത്ത ദേശീയ പതാകകള്‍

ഹിസ്റ്ററി പരീക്ഷ നടന്നത് മെയ് മാസത്തിലാണ്. സര്‍വകലാശാല മൂല്യനിര്‍ണ്ണയ സംവിധാനം ഡിജിറ്റൈസ് ചെയ്തിട്ടുണ്ട്. മൂല്യനിര്‍ണ്ണയം നടത്തിയയാള്‍ സിസ്റ്റം ലോഗിന്‍ ചെയ്തപ്പോള്‍ ഉത്തരക്കടലാസ് കണ്ട് ഞെട്ടിപ്പോയി.

ചോദ്യങ്ങള്‍ക്ക് ഉത്തരം നല്‍കുന്നതിനു പകരം ആദ്യത്തെ ചോദ്യത്തിന്റെ ഉത്തരം മായ്ച്ചുകളയുകയും രണ്ടാമത്തെ ചോദ്യത്തിന് ഇത്തരത്തില്‍ ഉത്തരം നല്‍കുകയും ചെയ്തു. 'ഇന്ന് സണ്ണി ലിയോണിന്റെ ജന്മദിനമാണ്. അവള്‍ എന്റെ കാമുകിയാണ്. അവളുടെ ജന്മദിനമായതിനാല്‍ ഇന്നത്തെ പരീക്ഷ എഴുതാനാവില്ല. സണ്ണി ലിയോണിന്റെ ജന്മദിനമായതിനാല്‍ പരീക്ഷയ്ക്ക് വേണ്ടവിധം തയ്യാറെടുത്തിട്ടില്ല', വിദ്യാര്‍ഥി ഉത്തരക്കടലാസില്‍ കുറിച്ചു.

Also Read: സിനിമ കണ്ടത് 15 തവണ, ക്ലൈമാക്‌സ് അനുകരിച്ചു, ശരീരത്തില്‍ 20 ലിറ്റര്‍ പെട്രോള്‍ ഒഴിച്ച് കത്തിച്ച് 23 കാരന്‍

കൂടാതെ, തന്റെ സുഹൃത്തുക്കളും മറ്റുള്ളവരോടും ഉത്തരക്കടലാസ് മൂല്യനിര്‍ണയം നടത്തുന്നയാളോടും സണ്ണി ലിയോണിന് ജന്മദിനാശംസകള്‍ നല്‍കാന്‍ വിദ്യാര്‍ഥി അഭ്യര്‍ഥിച്ചിട്ടുണ്ട്. കഴിഞ്ഞ മെയില്‍ നടത്തിയ പരീക്ഷയുടെ മൂല്യനിര്‍ണയം ഇപ്പോഴാണ് നടക്കുന്നത്.