മുംബൈ: ജമ്മു കശ്മീരിന് സ്വയംഭരണം നൽകണമെന്ന് ആവശ്യപ്പെട്ട മുതിർന്ന കോൺഗ്രസ് നേതാവ് പി ചിദംബരത്തിന് എതിരെ ബി ജെ പി നേതാവ് സുബ്രഹ്മണ്യൻ സ്വാമി. ചിദംബരം ഒറ്റുകാരനാണെന്ന് സ്വാമി പറഞ്ഞു. ജയിലിൽ പോകാൻ തയ്യാറെടുക്കുന്ന അദ്ദേഹം ഒറ്റുകാരനെ പോലെയാണ് സംസാരിക്കുന്നത്.
കശ്മീരിനു വേണ്ടി ഇത്തരത്തിൽ സംസാരിക്കുന്നത് കൊണ്ട് ജയിലിൽ പോകുമ്പോൾ അദ്ദേഹത്തിനു വേണ്ടി കരയാൻ കശ്മീരിൽ നിന്നെങ്കിലും ചിലർ എത്തുമെന്നും അദ്ദേഹം പറഞ്ഞു.
ഗുജറാത്തിൽ മാധ്യമങ്ങളോട് സംസാരിക്കവെയാണ് ചിദംബരം കശ്മീരിന് സ്വതന്ത്ര ഭരണാധികാരം നൽകണമെന്ന ആവശ്യവുമായി എത്തിയത്. ജമ്മു കശ്മീരിലെ ജനങ്ങളുമായി ഞാൻ കൂടിക്കാഴ്ച നടത്തിയിരുന്നു. കൂടിക്കാഴ്ചയിൽ എനിക്ക് മനസ്സിലായത് അവർ സ്വാതന്ത്ര്യം ആഗ്രഹിക്കുന്നു എന്നാണെന്ന് ചിദംബരം പറഞ്ഞു.
ഭരണഘടനയുടെ 370 ആം വകുപ്പിനെ നമ്മൾ ബഹുമാനിക്കണമെന്നാണ് അവിടുത്തെ ജനങ്ങൾ ആഗ്രഹിക്കുന്നത്. സ്വതന്ത്ര്യ ഭരണാധികാരമാണ് അവർ ആഗ്രഹിക്കുന്നതെന്നും ചിദംബരം പറഞ്ഞു. എന്നാൽ, ചിദംബരത്തിൻ്റെ അഭിപ്രായത്തെ തള്ളിക്കൊണ്ട് കോൺഗ്രസ് രംഗത്തെത്തിയിരുന്നു. ബി ജെ പിയും വിമർശനവുമായി രംഗത്തെത്തി.
Subrahmanian Swami against P Chidambaram
BJP leader Subrahmanian Swami against senior congress leader P Chidambaram