ഏകാധിപത്യ ഭരണത്തിലേക്ക് രാജ്യം പോകരുതെന്ന് സുബ്രഹ്മണ്യൻ സ്വാമി

ന്യൂഡൽഹി: പുതിയ കേന്ദ്രഭരണത്തെ പരോക്ഷമായി വിമർശിച്ച് ബിജെപി എംപി സുബ്രഹ്മണ്യൻ സ്വാമി. ബിജെപിക്കുള്ളിൽ ജനാധിപത്യം വേണമെന്നും രാജ്യം ഏകാധിപത്യ ഭരണത്തിലേക്ക് പോകാതിരിക്കാൻ ജാഗ്രത വേണമെന്നും സുബ്രഹ്മണ്യൻ സ്വാമി അഭിപ്രായപ്പെട്ടു. 303 സീറ്റുകളാണ് ലോക്‌സഭാ തെരഞ്ഞെടുപ്പിൽ ബിജെപി ഒറ്റക്ക് നേടിയത്. 353 സീറ്റുകൾ നേടിയാണ് എൻഡിഎ രണ്ടാം വട്ടം ഭരണമുറപ്പിച്ചത്.

ദേശീയതയിലൂന്നിയ പാർട്ടി പ്രചാരണം സാമ്പത്തികരംഗത്തുണ്ടായ വീഴ്ചകളെ മറി കടന്നു. തമിഴ്‌നാട്ടിൽ ബിജെപിക്കുണ്ടായ തോൽവിയെയും സുബ്രഹ്മണ്യൻ സ്വാമി വിലയിരുത്തി. ബിജെപി തമിഴ്‌നാട്ടിൽ ഒറ്റക്ക് നിന്ന് തന്നെ ശക്തിയാർജ്ജിക്കണമെന്ന് സ്വാമി അഭിപ്രായപ്പെട്ടു. ബിജെപി സർക്കാർ ശബരിമല വിഷയത്തിൽ നിലപാട് മാറ്റിയത് കേരളത്തിലെ ജനങ്ങൾ തിരിച്ചറിഞ്ഞുവെന്നും സുബ്രഹ്മണ്യൻ സ്വാമി ആരോപിച്ചു.