ഇന്ത്യൻ എംബസിയും ജറുസലേമിലേയ്ക്ക് മാറ്റണമെന്ന് സുബ്രമണ്യൻ സ്വാമി

ന്യൂഡൽഹി: ജറുസലേമിനെ ഇസ്രയേലിന്‍റെ തലസ്ഥാനമാക്കി അമേരിക്കൻ പ്രസിഡന്‍റ് ഡോണള്‍ഡ് ട്രംപ് പ്രഖ്യാപിച്ചതിനു പിന്നാലെ ഇസ്രയേലിലെ ഇന്ത്യൻ എംബസിയും ജറുസലേമിലേയ്ക്ക് മാറ്റണമെന്ന് ബിജെപി എംപി സുബ്രമണ്യൻ സ്വാമി. നിലവിൽ ടെൽ അവീവിലാണ് ഇന്ത്യൻ എംബസി സ്ഥിതി ചെയ്യുന്നത്.

പശ്ചിമേഷ്യയിലെ വിവിധരാജ്യങ്ങളുടെ അഭ്യര്‍ത്ഥന മാനിക്കാതെയായിരുന്നു തര്‍ക്കഭൂമിയായ ജറുസലേമിലേയ്ക്ക് ഇസ്രയേൽ തലസ്ഥാനം മാറ്റിയതായി യുഎസ് പ്രസിഡന്‍റ് പ്രഖ്യാപിച്ചത്. ഇവിടെ മറ്റൊരു രാജ്യത്തിനും നയതന്ത്രകാര്യാലയങ്ങളില്ല. തലസ്ഥാനം മാറ്റിയതായുള്ള പ്രഖ്യാപനത്തിനൊപ്പം അമേരിക്കൻ എംബസിയും ജറുസേലമിലേയ്ക്ക് മാറ്റുന്നതായി ട്രംപ് പ്രഖ്യാപിച്ചിരുന്നു.