ധോണിയ്ക്ക് പിറന്നാള്‍ ആശംസയുമായി മണൽശിൽപം

പുരി: ഇന്ത്യൻ ക്രിക്കറ്റ് താരം മഹേന്ദ്ര സിങ് ധോണിയുടെ പിറന്നാളിന് ആശംസയര്‍പ്പിച്ച് പ്രശസ്ത മണൽ ശിൽപി സുദര്‍ശൻ പട്നായിക്. ഹാപ്പി ബര്‍ത്ത്ഡേ എം എസ് ധോണി എന്നെഴുതിയ മണൽ ശിൽപവുമായാണ് ധോണിയ്ക്ക് സുദര്‍ശൻ പട്നായിക് ആശംസയറിയിച്ചത്.

പതിവുപോലെ പുരി കടപ്പുറത്തായിരുന്നു സുദര്‍ശൻ പട്നായിക് ശിൽപം തയ്യാറാക്കിയത്. ക്രിക്കറ്റ് ബാറ്റും ധോണിയുടെ മുഖം കൊത്തിയ ബാഡ്ജും ചേര്‍ന്നതാണ് ശിൽപം. ധോണിയ്ക്ക് ആശംസയര്‍പ്പിച്ചുള്ള സന്ദേശവും മണലിലുണ്ടാക്കിയ ബാറ്റിലുണ്ട്.

കുടുംബത്തിനും ഇന്ത്യൻ ക്രിക്കറ്റ് ടീമിനുമൊപ്പം 37-ാം പിറന്നാള്‍ ആഘോഷിക്കുന്ന ധോണിയുടെ ചിത്രങ്ങളും വീഡിയോകളും വൈറലായിരുന്നു.