കേന്ദ്രത്തിന് രൂക്ഷവിമര്‍ശനം: കാര്‍ഷിക നിയമങ്ങള്‍ നടപ്പാക്കരുതെന്ന് സുപ്രീം കോടതി

ന്യൂഡൽഹി: വിവാദമായ കാര്‍ഷിക നിയമങ്ങള്‍ നടപ്പാക്കുന്നത് ത‍ടഞ്ഞ് സുപ്രീം കോടതി. കേന്ദ്രത്തെ രൂക്ഷമായി വിമര്‍ശിച്ച സുപ്രീം കോടതി ബിൽ പാസാക്കുന്നതിനു മുൻപ് സര്‍ക്കാര്‍ എന്തു കൂടിയാലോചനകളാണ് നടത്തിയതെന്ന് ആരാഞ്ഞു. പാര്‍ലമെന്‍റ് പാസാക്കിയ കാര്‍ഷിക നിയമങ്ങള്‍ തത്കാലം നടപ്പാക്കരുതെന്ന് സുപ്രീം കോടതി ആവശ്യപ്പെട്ടു.

പല സംസ്ഥാനങ്ങളും നിയമത്തെ എതിര്‍ത്തിട്ടുണ്ടെന്ന് സുപ്രീം കോടതി വ്യക്തമാക്കി. കര്‍ഷകരുടെ രക്തം കൈയ്യിൽ പുരളാൻ ആഗ്രഹിക്കുന്നില്ലെന്നും കോടതി വ്യക്തമാക്കി.

Also Read: LIVE: കാർഷിക നിയമങ്ങൾക്കെതിരെ സുപ്രീംകോടതി, ഏറ്റവും പുതിയ വാർത്തകൾ

കേന്ദ്രസര്‍ക്കാര്‍ നിയമങ്ങളുമായി മുന്നോട്ടു പോയാൽ കോടതി നിയമങ്ങള്‍ സ്റ്റേ ചെയ്യുമെന്ന് ചീഫ് ജസ്റ്റിസ് അധ്യക്ഷനായ ബെഞ്ച് കേന്ദ്രസര്‍ക്കാരിന് മുന്നറിയിപ്പ് നല്‍കി. എന്നാൽ ഈ നിര്‍ദേശത്തെ കേന്ദ്രസര്‍ക്കാര്‍ അനുകൂലിച്ചില്ല. ഇത്രയും നാള്‍ ചര്‍ച്ചകള്‍ നടത്തിയിട്ടും സമരം തുടരുന്നത് എന്തുകൊണ്ടാണെന്നും കോടതി കേന്ദ്രത്തോടു ചോദിച്ചു.

അതേസമയം, ഡൽഹിയിൽ ഹൈവേ ഉപരോധിച്ചുകൊണ്ടുള്ള സമരങ്ങളിൽ നിന്ന് പിന്മാറിക്കൂടേ എന്ന് കര്‍ഷകസംഘടനകളോടു ചോദിച്ചു. ചെറിയൊരു സംഭവം ഉണ്ടായാൽ പോലും അത് വലിയ അപകടത്തിൽ കലാശിക്കുമെന്നും രക്തച്ചൊരിച്ചിൽ ഒഴിവാക്കാൻ എല്ലാവര്‍ക്കും ഉത്തരവാദിത്തമുണ്ടെന്നും കോടതി വ്യക്തമാക്കി.

This news is being updated...