ന്യൂ ഡൽഹി: ബെംഗളൂരു സ്ഫോടനക്കേസ് പ്രതിയായ പിഡിപി ചെയർമാൻ അബ്ദുൽ നാസർ മഅദനിക്ക് സുപ്രീംകോടതിയിൽനിന്നു തിരിച്ചടി. മഅദനിക്ക് കേരളത്തിൽ സുരക്ഷ ഒരുക്കാൻ കർണാടക പോലീസ് ചോദിച്ച ചെലവ് സുപ്രീംകോടതി അംഗീകരിച്ചു. പ്രതിമാസം 20 ലക്ഷം രൂപയാണ് കർണാടക പോലീസ് ആവശ്യപ്പെട്ടിരുന്നത്. ഇതിനെതിരെ മഅദനി സമർപ്പിച്ച ഹർജിയിൽ ഇടപെടുന്നില്ലെന്ന് സുപ്രീംകോടതി വ്യക്തമാക്കി.
എന്നാൽ കർണാടക പോലീസ് ആവശ്യപ്പെട്ടത് ഭീമമായ തുകയാണെന്നു ചൂണ്ടിക്കാട്ടിയാണ് മഅദനി സുപ്രീംകോടതിയെ സമീപിച്ചത്. മുതിർന്ന അഭിഭാഷകൻ കപിൽ സിബൽ ആണ് മഅദനിക്കായി ഹാജരായത്. മുമ്പ് 10 ദിവസത്തേക്കു കേരളത്തിൽ പോയപ്പോൾ 1,18,000 രൂപ മാത്രമാണ് ചെലവാക്കിയതെന്നും എന്നാൽ ഇപ്പോൾ പ്രതിമാസം 20 ലക്ഷം രൂപ ഈടാക്കുമെന്നാണ് കർണാടക സർക്കാർ വ്യക്തമാക്കുന്നതെന്നും കപിൽ സിബൽ വാദിച്ചു. ഇത് ഭീമമായ തുകയാണെന്നും അദ്ദേഹം ചൂണ്ടിക്കാട്ടി.
മഅദനിയുടെ സുരക്ഷയ്ക്കായി ആറ് ഉദ്യോഗസ്ഥരെയാണ് അയക്കുന്നതെന്നും കേരളത്തിൽ സന്ദർശിക്കുന്ന 10 സ്ഥലങ്ങളുടെ വിവരം നൽകിയിട്ടുണ്ടെന്നും ഇവിടങ്ങളിൽ സുരക്ഷ നൽകേണ്ടതുണ്ടെന്നും ഈ സാഹചര്യത്തിൽ സുരക്ഷാച്ചെലവ് വലിയ തുകയല്ലെന്നും കർണാടക സുപ്രീംകോടതിയിൽ നിലപാടെടുത്തു. എന്നാൽ 10 സ്ഥലങ്ങളിൽ പോകുന്നില്ലെന്നും മഅദനിയുടെ വീട്, പിതാവിൻ്റെ വീട്, ആശുപത്രി എന്നീ മൂന്നിടങ്ങളിൽ മാത്രമാണ് പോകുന്നതെന്നും മഅദനിയുടെ അഭിഭാഷകൻ സുപ്രീംകോടതിയെ അറിയിച്ചു. എന്നാൽ ഹർജിയിൽ ഇടപെടുന്നില്ലെന്ന് വ്യക്തമാക്കിയ സുപ്രീംകോടതി കർണാടകത്തിൻ്റെ ആവശ്യം അംഗീകരിക്കുകയായിരുന്നു.
Read Latest National News and Malayalam News
എന്നാൽ കർണാടക പോലീസ് ആവശ്യപ്പെട്ടത് ഭീമമായ തുകയാണെന്നു ചൂണ്ടിക്കാട്ടിയാണ് മഅദനി സുപ്രീംകോടതിയെ സമീപിച്ചത്. മുതിർന്ന അഭിഭാഷകൻ കപിൽ സിബൽ ആണ് മഅദനിക്കായി ഹാജരായത്. മുമ്പ് 10 ദിവസത്തേക്കു കേരളത്തിൽ പോയപ്പോൾ 1,18,000 രൂപ മാത്രമാണ് ചെലവാക്കിയതെന്നും എന്നാൽ ഇപ്പോൾ പ്രതിമാസം 20 ലക്ഷം രൂപ ഈടാക്കുമെന്നാണ് കർണാടക സർക്കാർ വ്യക്തമാക്കുന്നതെന്നും കപിൽ സിബൽ വാദിച്ചു. ഇത് ഭീമമായ തുകയാണെന്നും അദ്ദേഹം ചൂണ്ടിക്കാട്ടി.
മഅദനിയുടെ സുരക്ഷയ്ക്കായി ആറ് ഉദ്യോഗസ്ഥരെയാണ് അയക്കുന്നതെന്നും കേരളത്തിൽ സന്ദർശിക്കുന്ന 10 സ്ഥലങ്ങളുടെ വിവരം നൽകിയിട്ടുണ്ടെന്നും ഇവിടങ്ങളിൽ സുരക്ഷ നൽകേണ്ടതുണ്ടെന്നും ഈ സാഹചര്യത്തിൽ സുരക്ഷാച്ചെലവ് വലിയ തുകയല്ലെന്നും കർണാടക സുപ്രീംകോടതിയിൽ നിലപാടെടുത്തു. എന്നാൽ 10 സ്ഥലങ്ങളിൽ പോകുന്നില്ലെന്നും മഅദനിയുടെ വീട്, പിതാവിൻ്റെ വീട്, ആശുപത്രി എന്നീ മൂന്നിടങ്ങളിൽ മാത്രമാണ് പോകുന്നതെന്നും മഅദനിയുടെ അഭിഭാഷകൻ സുപ്രീംകോടതിയെ അറിയിച്ചു. എന്നാൽ ഹർജിയിൽ ഇടപെടുന്നില്ലെന്ന് വ്യക്തമാക്കിയ സുപ്രീംകോടതി കർണാടകത്തിൻ്റെ ആവശ്യം അംഗീകരിക്കുകയായിരുന്നു.
Read Latest National News and Malayalam News