ജയലളിതയുടെ സ്വത്തുക്കള്‍ക്ക് അവകാശിയായി

ചെന്നൈ: ആദായനികുതി വകുപ്പ് പിടിച്ചെടുത്ത ജയലളിതയുടെ കോടികളുടെ ആഭരണങ്ങള്‍ തമിഴ്നാട് സര്‍ക്കാറിന്‍റെ ഖജനാവിലെത്തും. ജയലളിതയുടെ സ്വത്തുക്കള്‍ ആര്‍ക്കു കൈമാറുമെന്ന ചോദ്യത്തിനു കൂടിയാണ് സുപ്രീംകോടതി വിധിയോടെ ഉത്തരമുണ്ടായത്.

മൂന്നര കോടി വിലവരുന്ന 21.28 കിലോ സ്വര്‍ണാഭരണം, 3,12 കോടി വിലവരുന്ന 1,250 കിലോ വെള്ളിയാഭരണങ്ങള്‍, രണ്ടു കോടിയുടെ വജ്രാഭരണങ്ങള്‍, 10,500 സാരികള്‍, 750 ജോടി ചെരിപ്പുകള്‍, 500 വൈന്‍ ഗ്ളാസുകള്‍, 91 ആഡംബര വാച്ചുകള്‍ തുടങ്ങിയവയാണ് റെയ്ഡില്‍ പിടിച്ചെടുത്തത്. 1996ലാണ് ചെന്നൈയില്‍ ജയലളിതയുടെ ഉടമസ്ഥതയിലുള്ള വീട്ടിലും ഓഫിസിലും ആദായനികുതി വകുപ്പ് റെയ്ഡ് നടത്തിയത്. അന്നുമുതല്‍ ബംഗളൂരു സിറ്റി സിവില്‍ കോടതിയുടെ രണ്ടാംനിലയിലെ പ്രത്യേക മുറിയിലാണ് ഇവ സൂക്ഷിക്കുന്നത്.