ന്യൂഡല്ഹി: കേന്ദ്ര സര്ക്കാര് നിര്ബന്ധിത അവധിയില് അയച്ച സിബിഐ ഡയറക്ടര് അലോക് വെര്മയ്ക്ക് പദവി തിരികെ നല്കി സുപ്രീംകോടതി. അലോക് വെര്മയ്ക്ക് സിബിഐ ഡയറക്ടര് സ്ഥാനത്ത് തിരികെ എത്താം. പക്ഷേ, നയപരമായ കാര്യങ്ങളില് തീരുമാനങ്ങള് എടുക്കാനാകില്ല - സുപ്രീംകോടതി ബഞ്ച് വിധിച്ചു. അടുത്തയാഴ്ച്ച ചേരുന്ന സെലക്ഷന് കമ്മിറ്റിയാകും അലോക് വെര്മയുടെ കാര്യത്തില് അന്തിമ തീരുമാനം കൈക്കൊള്ളുക. കേന്ദ്രസര്ക്കാര് നേരിട്ട് ഇടപെട്ട് അലോക് വെര്മയെ പുറത്താക്കിയ നടപടിയാണ് നിലവില് സുപ്രീംകോടതി റദ്ദാക്കിയത്. ഇക്കാര്യത്തില് ഇടപെടാന് കേന്ദ്രസര്ക്കാരിന് കഴിയില്ലെന്നാണ് കോടതിയുടെ നിര്ണായക നിരീക്ഷണം.
അധികാരത്തര്ക്കമാണ് അലോക് വെര്മയെ നിര്ബന്ധിത അവധിയിലേക്ക് അയക്കാന് കേന്ദ്രസര്ക്കാര് തീരുമാനിച്ചത്. സിബിഐ സ്പെഷ്യല് ഡയറക്ടറായ രാകേഷ് അസ്താനയുമായാണ് അലോക് വെര്മ ആരോപണ-യുദ്ധത്തിലായിരുന്നത്. ഇരുവരും തമ്മിലുള്ള തര്ക്കം പരസ്യമായ അഴിമതി ആരോപണങ്ങളിലേക്ക് വരെ നീണ്ടു. ആരാണ് യഥാര്ഥ സിബിഐ ഡയറക്ടര് എന്നതും തര്ക്കത്തിലായിരുന്നു.
അധികാരത്തര്ക്കമാണ് അലോക് വെര്മയെ നിര്ബന്ധിത അവധിയിലേക്ക് അയക്കാന് കേന്ദ്രസര്ക്കാര് തീരുമാനിച്ചത്. സിബിഐ സ്പെഷ്യല് ഡയറക്ടറായ രാകേഷ് അസ്താനയുമായാണ് അലോക് വെര്മ ആരോപണ-യുദ്ധത്തിലായിരുന്നത്. ഇരുവരും തമ്മിലുള്ള തര്ക്കം പരസ്യമായ അഴിമതി ആരോപണങ്ങളിലേക്ക് വരെ നീണ്ടു. ആരാണ് യഥാര്ഥ സിബിഐ ഡയറക്ടര് എന്നതും തര്ക്കത്തിലായിരുന്നു.