ജസ്‍റ്റിസ് കര്‍ണന്‍റെ മാപ്പപേക്ഷ സുപ്രീം കോടതി തള്ളി

ന്യൂഡല്‍ഹി: കോടതിയലക്ഷ്യ കേസില്‍ ശിക്ഷിക്കപ്പെട്ട് ഒളിവില്‍ കഴിയുന്ന കൊല്‍ക്കത്ത ഹൈക്കോടതി ജഡ്‍ജി സിഎസ് കര്‍ണന്‍റെ മാപ്പപേക്ഷ സുപ്രീം കോടതി തള്ളി. നിരുപാധികം മാപ്പുപറഞ്ഞുകൊണ്ടുള്ള അപേക്ഷയാണ് കര്‍ണന്‍ സമര്‍പ്പിച്ചിരുന്നത്.

അതേസമയം തടവുശിക്ഷ ഒഴിവാക്കണമെന്ന് ആവശ്യപ്പെട്ടുള്ള അപേക്ഷ പരിഗണിക്കാമെന്നാണ് കോടതി പറഞ്ഞത്. കേസില്‍ ശിക്ഷിക്കപ്പെട്ടെങ്കിലും മാപ്പ് പറയാനുള്ള വകുപ്പ് നിയമത്തിലുണ്ട് എന്ന് ചൂണ്ടിക്കാട്ടിയാണ് കര്‍ണന്‍ തന്‍റെ അഭിഭാഷകന്‍ മുഖേന മാപ്പപേക്ഷ സമര്‍പ്പിച്ചത്.

കര്‍ണന്‍റെ അറസ്‍റ്റ് സ്റ്റേ ചെയ്യണമെന്നാവശ്യപ്പെട്ട് മറ്റൊരു അപേക്ഷയും സമര്‍പ്പിച്ചിട്ടുണ്ടെങ്കിലും ഇത് പിന്നീട് പരിഗണിക്കാമെന്നാണ് കോടതി പറഞ്ഞത്. കോടതിയലക്ഷ്യക്കേസില്‍ ഈ മാസം ഒന്‍പതിനാണ് ജസ്‍റ്റിസ് കര്‍ണനെ സുപ്രീം കോടതി ആറ് മാസം തടവിന് ശിക്ഷിച്ചത്. തുടര്‍ന്ന് അദ്ദേഹം ഒളിവില്‍ പോവുകയായിരുന്നു.

Supreme Court rejects Karnan's apology

The Supreme Court rejected Justice Karnan's apology petition on Friday.