അയോധ്യ കേസ് വേഗത്തിലാക്കണമെന്ന ഹര്‍ജി സുപ്രീം കോടതി തള്ളി

ന്യൂഡൽഹി: അയോധ്യ കേസ് വേഗത്തിൽ പരിഗണിക്കണമെന്ന ഹര്‍ജി സുപ്രീം കോടതി തള്ളി. മുൻനിശ്ചയിച്ച പ്രകാരം കേസ് ജനുവരിയിൽ തന്നെ പരിഗണിക്കുമെന്ന് ചീഫ് ജസ്റ്റിസ് രഞ്ജൻ ഗൊഗോയ് വ്യക്തമാക്കി.

അയോധ്യ ഭൂമിതര്‍ക്കക്കേസ് വേഗത്തിൽ പരിഗണിക്കണമെന്ന് ആവശ്യപ്പെട്ട് അഖില ഭാരതീയ ഹിന്ദുമഹാസഭയാണ് സുപ്രീം കോടതിയിൽ ഹര്‍ജി നൽകിയത്. എന്നാൽ ഇക്കാര്യത്തിൽ ഉത്തരവിറക്കിയിട്ടുള്ളതാണെന്നും ജനുവരിയിൽ മാത്രമേ കേസ് പരിഗണിക്കൂ എന്നും ചീഫ് ജസ്റ്റിസ് വ്യക്തമാക്കി.