കള്ളപ്പണം വെളുപ്പിക്കൽ: ബിനീഷ് കോടിയേരിക്ക് സുപ്രീം കോടതി നോട്ടീസ്
ബിനീഷ് കോടിയേരിക്ക് കർണാടക ഹൈക്കോടതി ജാമ്യം അനുവദിച്ച ഉത്തരവിനെതിരെ ബംഗളുരുവിലെ ഇ.ഡി ഡെപ്യൂട്ടി ഡയറക്ടറാണ് സുപ്രീം കോടതിയെ സമീപിച്ചത്. ജസ്റ്റിസുമാരായ ബി ആർ ഗവായ്, എ എസ് ബൊപ്പണ്ണ എന്നിവരടങ്ങിയ ബെഞ്ചാണ് നോട്ടീസ അയച്ചത്.
Jibin George | Authored by Samayam Desk | Samayam Malayalam 21 May 2022, 7:26 am
ഹൈലൈറ്റ്:
- ബിനീഷ് കോടിയേരിക്ക് സുപ്രീം കോടതി നോട്ടീസ് അയച്ചു.
- ലഹരി ഇടപാടിലെ കള്ളപ്പണം വെളുപ്പിക്കൽ കേസിലാണ് നോട്ടീസ്.
- ജസ്റ്റിസുമാരായ ബി ആർ ഗവായ്, എ എസ് ബൊപ്പണ്ണ എന്നിവരടങ്ങിയ ബെഞ്ചാണ് നോട്ടീസ് അയച്ചത്.
ന്യൂഡൽഹി: ലഹരി ഇടപാടിലെ കള്ളപ്പണം വെളുപ്പിക്കൽ കേസിൽ ബിനീഷ് കോടിയേരിക്ക് സുപ്രീം കോടതി നോട്ടീസ് അയച്ചു. ബിനീഷിൻ്റെ ജാമ്യം റദ്ദാക്കണമെന്ന് ആവശ്യപ്പെട്ട് എൻഫോഴ്സ്മെൻ്റ് ഡയറക്ടറേറ്റ് (ഇ.ഡി) നൽകിയ ഹർജിയിലാണ് നോട്ടീസ്. ജസ്റ്റിസുമാരായ ബി ആർ ഗവായ്, എ എസ് ബൊപ്പണ്ണ എന്നിവരടങ്ങിയ ബെഞ്ചാണ് നോട്ടീസ് അയച്ചത്.
ബിനീഷ് കോടിയേരിക്ക് കർണാടക ഹൈക്കോടതി ജാമ്യം അനുവദിച്ച ഉത്തരവിനെതിരെ ബംഗളുരുവിലെ ഇ.ഡി ഡെപ്യൂട്ടി ഡയറക്ടറാണ് സുപ്രീം കോടതിയെ സമീപിച്ചത്. കള്ളപ്പണ ഇടപാടിൽ ബിനീഷിനെതിരെ വ്യക്തമായ തെളിവുകൾ ഉണ്ടെന്ന നിലപാടിലാണ് ഇ.ഡി. വരവിൽ കഴിഞ്ഞ സ്വത്തുക്കളുടെ സ്രോതസ് വെളിപ്പെടുത്താൻ ബിനീഷിന് കഴിഞ്ഞില്ലെന്നാണ് ഇ.ഡിയുടെ വാദം.
കള്ളപ്പണ ഇടപാടിൽ ബിനീഷിനെതിരെ വ്യക്തമായ തെളിവുകളുണ്ടെന്ന് ഇ.ഡിക്ക് വേണ്ടി ഹാജരായ അഡീഷണൽ സോളിസിറ്റർ ജനറൽ കെ എം നടരാജ് കോടതിയിൽ വ്യക്തമാക്കി. ഐഡിബിഐ, എച്ച്ഡിഎഫ്സി, എസ്ബിഐ , ഫെഡറൽ ബാങ്ക് അക്കൗണ്ടുകളിലെ നിക്ഷേപങ്ങളുമായി ബന്ധപ്പെട്ട് കൂടുതൽ വിവരങ്ങൾ ബിനീഷ് വ്യക്തമാക്കിയിട്ടില്ല. ബാങ്ക് അക്കൗണ്ടുകളില് കള്ളപ്പണം ഇല്ലെന്നും, പച്ചക്കറി, മല്സ്യ കച്ചവടത്തില് നിന്നുള്ള പണമാണ് അക്കൗണ്ടില് ഉള്ളതെന്നുമായിരുന്നു കര്ണാടക ഹൈക്കോടതിയില് ബിനീഷിന്റെ വാദം.
അക്കൗണ്ടിലേക്ക് പണം നിക്ഷേപിച്ച ചിലര് ചോദ്യംചെയ്യലിന് ഇതുവരെയും ഹാജരായിട്ടില്ലെന്നും ഇ.ഡി. ആരോപിക്കുന്നുണ്ട്. 2012 മുതൽ പ്രതികൾ തമ്മിൽ പണമിടപാട് നടന്നിരുന്നതായി ഇ.ഡി വ്യക്തമാക്കുന്നുണ്ട്. ആദായ നികുതി റിട്ടേണുകളിൽ ബിനീഷ് തിരിമറി നടത്തിയെന്ന ആരോപണവും ശക്തമാണ്. ലഹരിക്കടത്ത് കേസിൽ പിടിയിലായ അനൂപ് മുഹമ്മദുമായി ചേർന്ന് ബിനീഷ് കള്ളപ്പണം വെളുപ്പിച്ചെന്നായിരുന്നു ഇ.ഡിയുടെ കണ്ടെത്തൽ. ലഹരി ഇടപാടുമായി ബന്ധപ്പെട്ട കള്ളപ്പണക്കേസിൽ നാലാം പ്രതിയാണ് ബിനീഷ്. അനൂപുമായി നടത്തിയ പണമിടപാട് ബിനീഷിനെതിരെയുള്ള ആരോപണത്തിൻ്റെ അടിസ്ഥാനം.
കള്ളപ്പണ കേസിൽ അഞ്ച് മാസത്തിന് ശേഷമാണ് ഇ.ഡി സുപ്രീം കോടതിയെ സമീപിച്ചത്. കേസിൽ 2020 ഒക്ടോബർ 29നാണ് ബിനീഷ് കോടിയേരി അറസ്റ്റിലായത്. ഒരു വർഷത്തിന് ശേഷം കർശന ഉപാധികളോടെയാണ് കർണാടക ഹൈക്കോടതി ബിനീഷിന് ജാമ്യം അനുവദിച്ചത്.
ബിനീഷ് കോടിയേരിക്ക് കർണാടക ഹൈക്കോടതി ജാമ്യം അനുവദിച്ച ഉത്തരവിനെതിരെ ബംഗളുരുവിലെ ഇ.ഡി ഡെപ്യൂട്ടി ഡയറക്ടറാണ് സുപ്രീം കോടതിയെ സമീപിച്ചത്. കള്ളപ്പണ ഇടപാടിൽ ബിനീഷിനെതിരെ വ്യക്തമായ തെളിവുകൾ ഉണ്ടെന്ന നിലപാടിലാണ് ഇ.ഡി. വരവിൽ കഴിഞ്ഞ സ്വത്തുക്കളുടെ സ്രോതസ് വെളിപ്പെടുത്താൻ ബിനീഷിന് കഴിഞ്ഞില്ലെന്നാണ് ഇ.ഡിയുടെ വാദം.
കള്ളപ്പണ ഇടപാടിൽ ബിനീഷിനെതിരെ വ്യക്തമായ തെളിവുകളുണ്ടെന്ന് ഇ.ഡിക്ക് വേണ്ടി ഹാജരായ അഡീഷണൽ സോളിസിറ്റർ ജനറൽ കെ എം നടരാജ് കോടതിയിൽ വ്യക്തമാക്കി. ഐഡിബിഐ, എച്ച്ഡിഎഫ്സി, എസ്ബിഐ , ഫെഡറൽ ബാങ്ക് അക്കൗണ്ടുകളിലെ നിക്ഷേപങ്ങളുമായി ബന്ധപ്പെട്ട് കൂടുതൽ വിവരങ്ങൾ ബിനീഷ് വ്യക്തമാക്കിയിട്ടില്ല. ബാങ്ക് അക്കൗണ്ടുകളില് കള്ളപ്പണം ഇല്ലെന്നും, പച്ചക്കറി, മല്സ്യ കച്ചവടത്തില് നിന്നുള്ള പണമാണ് അക്കൗണ്ടില് ഉള്ളതെന്നുമായിരുന്നു കര്ണാടക ഹൈക്കോടതിയില് ബിനീഷിന്റെ വാദം.
അക്കൗണ്ടിലേക്ക് പണം നിക്ഷേപിച്ച ചിലര് ചോദ്യംചെയ്യലിന് ഇതുവരെയും ഹാജരായിട്ടില്ലെന്നും ഇ.ഡി. ആരോപിക്കുന്നുണ്ട്. 2012 മുതൽ പ്രതികൾ തമ്മിൽ പണമിടപാട് നടന്നിരുന്നതായി ഇ.ഡി വ്യക്തമാക്കുന്നുണ്ട്. ആദായ നികുതി റിട്ടേണുകളിൽ ബിനീഷ് തിരിമറി നടത്തിയെന്ന ആരോപണവും ശക്തമാണ്. ലഹരിക്കടത്ത് കേസിൽ പിടിയിലായ അനൂപ് മുഹമ്മദുമായി ചേർന്ന് ബിനീഷ് കള്ളപ്പണം വെളുപ്പിച്ചെന്നായിരുന്നു ഇ.ഡിയുടെ കണ്ടെത്തൽ. ലഹരി ഇടപാടുമായി ബന്ധപ്പെട്ട കള്ളപ്പണക്കേസിൽ നാലാം പ്രതിയാണ് ബിനീഷ്. അനൂപുമായി നടത്തിയ പണമിടപാട് ബിനീഷിനെതിരെയുള്ള ആരോപണത്തിൻ്റെ അടിസ്ഥാനം.
കള്ളപ്പണ കേസിൽ അഞ്ച് മാസത്തിന് ശേഷമാണ് ഇ.ഡി സുപ്രീം കോടതിയെ സമീപിച്ചത്. കേസിൽ 2020 ഒക്ടോബർ 29നാണ് ബിനീഷ് കോടിയേരി അറസ്റ്റിലായത്. ഒരു വർഷത്തിന് ശേഷം കർശന ഉപാധികളോടെയാണ് കർണാടക ഹൈക്കോടതി ബിനീഷിന് ജാമ്യം അനുവദിച്ചത്.