ന്യൂഡല്ഹി: റഫാല് അഴിമതിക്കേസില് മാധ്യമങ്ങളിലൂടെ പുറത്തുവന്ന രഹസ്യ രേഖകള് സ്വീകരിക്കണമോ എന്നതില് ഇന്ന് സുപ്രീംകോടതി വിധി പറയും. ചീഫ് ജസ്റ്റിസ് രഞ്ജന് ഗൊഗോയ്, ജസ്റ്റിസ് കെഎം ജോസഫ് എന്നിവരാണ് വിധി പറയുന്നത്. കേന്ദ്രസര്ക്കാര് അതീവരഹസ്യമെന്ന് പറയുന്ന റഫാല് രേഖകള് ദ് ഹിന്ദു ദിനപത്രമാണ് പ്രസിദ്ധീകരിച്ചത്. ഈ രേഖകള് പ്രതിരോധ മന്ത്രാലയത്തില് നിന്ന് കളവ് പോയതാണെന്നും ഇവ പരിഗണിക്കരുതെന്നും ആണ് കേന്ദ്ര സര്ക്കാര് ആവശ്യപ്പെട്ടത്. റഫാല് ഇടപാട് വീണ്ടും പരിശോധിക്കണമെന്ന് ആവശ്യപ്പെട്ട് റിവ്യൂ ഹര്ജി നല്കിയത് യശ്വന്ത് സിന്ഹ, അരുണ്ഷൂരി, പ്രശാന്ത് ഭൂഷണ് എന്നിവരാണ്. ഇതൊടൊപ്പമാണ് രേഖകള് ചര്ച്ചയായതും.
രേഖകള് ചോര്ന്നത് വലിയ തോതില് കേന്ദ്രസര്ക്കാരിന് സമ്മര്ദ്ദം ഉണ്ടാക്കി. രേഖകള് അതീവ രഹസ്യമാണെന്നും ഉള്ളടക്കം പൊതുയിടത്തില് ചര്ച്ചയാകുന്നത് രാജ്യസുരക്ഷയെ ബാധിക്കും തുടങ്ങിയ വാദങ്ങളാണ് കേന്ദ്രസര്ക്കാര് മുന്നോട്ടുവച്ചത്. രേഖകള് പരിഗണിക്കരുതെന്നും അറ്റോണി ജനറല് വാദിച്ചിരുന്നു.
ഇതോടെയാണ് വിഷയത്തില് ഒരു വിധി പ്രസ്താവനയ്ക്ക് സുപ്രീംകോടതി തയാറായത്. ഫ്രാന്സിലെ ആയുധ നിര്മ്മാണക്കമ്പനി ദസോയില് നിന്ന് റഫാല് യുദ്ധവിമാനം വാങ്ങുന്നതിനുണ്ടാക്കിയ കരാറില് മോദി സര്ക്കാര് മാറ്റം വരുത്തിയെന്നും ഇതുമൂലം പ്രതിരോധവകുപ്പിന് ഭീമമായ നഷ്ടം ഉണ്ടായെന്നുമാണ് അഴിമതി ആരോപണം ഉന്നയിക്കുന്നവരുടെ പ്രധാന വാദം.
രേഖകള് ചോര്ന്നത് വലിയ തോതില് കേന്ദ്രസര്ക്കാരിന് സമ്മര്ദ്ദം ഉണ്ടാക്കി. രേഖകള് അതീവ രഹസ്യമാണെന്നും ഉള്ളടക്കം പൊതുയിടത്തില് ചര്ച്ചയാകുന്നത് രാജ്യസുരക്ഷയെ ബാധിക്കും തുടങ്ങിയ വാദങ്ങളാണ് കേന്ദ്രസര്ക്കാര് മുന്നോട്ടുവച്ചത്. രേഖകള് പരിഗണിക്കരുതെന്നും അറ്റോണി ജനറല് വാദിച്ചിരുന്നു.
ഇതോടെയാണ് വിഷയത്തില് ഒരു വിധി പ്രസ്താവനയ്ക്ക് സുപ്രീംകോടതി തയാറായത്. ഫ്രാന്സിലെ ആയുധ നിര്മ്മാണക്കമ്പനി ദസോയില് നിന്ന് റഫാല് യുദ്ധവിമാനം വാങ്ങുന്നതിനുണ്ടാക്കിയ കരാറില് മോദി സര്ക്കാര് മാറ്റം വരുത്തിയെന്നും ഇതുമൂലം പ്രതിരോധവകുപ്പിന് ഭീമമായ നഷ്ടം ഉണ്ടായെന്നുമാണ് അഴിമതി ആരോപണം ഉന്നയിക്കുന്നവരുടെ പ്രധാന വാദം.