വരുന്നൂ ചില്ല് മേല്‍ക്കൂരയുള്ള തീവണ്ടികള്‍: പരീക്ഷണ ഓട്ടം തുടങ്ങി

വിശാഖപട്ടണം: ചില്ലുകൊണ്ടുള്ള മേല്‍ക്കൂരയുള്ള തീവണ്ടികള്‍ പുറത്തിറക്കാന്‍ ഇന്ത്യന്‍ റെയില്‍വേ തയ്യാറെടുക്കുന്നു. ഇതിന്‍റെ ആദ്യപടിയായി ചില്ലുമേല്‍ക്കൂരയുള്ള തീവണ്ടി വിശാഖപട്ടണത്ത് പരീക്ഷണ ഓട്ടം നടത്തി.

വിശാഖപട്ടണം-അരക്കു സ്റ്റേഷനുകള്‍ക്കിടയിലാണ് തീവണ്ടി പരീക്ഷണ ഓട്ടം നടത്തിയത്. റെയില്‍വേ മന്ത്രി സുരേഷ് പ്രഭു ഫ്ലാഗ് ഓഫ് ചെയ്‍തു. വ്യാഴാ‍ഴ്‍ചയോടെ തീവണ്ടി യാത്രക്കാര്‍ക്കായി സര്‍വീസ് തുടങ്ങുമെന്നാണ് കരുതുന്നത്. ചില്ല് മേല്‍ക്കൂരയ്‍ക്കു പുറമേ എല്‍ഇഡി ലൈറ്റുകള്‍, തിരിക്കാവുന്ന സീറ്റ്, ജിപിഎസ് അധിഷ്‍ഠിത വിവരസംവിധാനം എന്നിവ തീവണ്ടിയില്‍ ഉണ്ടാവും.

ശീതീകരിച്ച കോച്ചുകള്‍ സഞ്ചാരികളെ ലക്ഷ്യമിട്ടാണ് റെയില്‍വേ അവതരിപ്പിക്കുന്നത്. യാത്രക്കാര്‍ക്ക് കാഴ്‍ചകള്‍ പൂര്‍ണമായും ആസ്വദിക്കാനാകുംവിധത്തിലാണ് കോച്ച് ക്രമീകരിച്ചിട്ടുള്ളത്. കാഴ്‍ചകള്‍ കാണാനുള്ള സൗകര്യവും വിനോദോപാധികളും കോച്ചുകളില്‍ സജ്ജീകരിച്ചിട്ടുണ്ട്.

Suresh Prabhu flags off trial run of glass roof coaches between Visakhapatnam and Araku

Railway Minister Suresh Prabhu today flagged off the trial run of vistadome coaches between Visakhapatnam and Araku stations.