സര്‍ജിക്കല്‍ സ്ട്രൈക്ക് ദിനം ആചരിക്കാന്‍ സര്‍വ്വകലാശാലകള്‍ക്ക് നിര്‍ദ്ദേശം

ന്യൂഡല്‍ഹി: സര്‍ജിക്കല്‍ സ്ട്രൈക്ക് ദിനം എല്ലാ സര്‍വകലാശാലകളിലും ആചരിക്കണമെന്ന് യൂണിവേഴ്സിറ്റി ഗ്രാന്‍റ് കമ്മീഷന്‍ (യുജിസി). സര്‍ജിക്കല്‍ സ്‍ട്രൈക്കിന്‍റെ രണ്ടാം വാര്‍ഷികമായ സെപ്റ്റംബര്‍ 29 നാണ് സര്‍ജിക്കല്‍ സ്‍ട്രൈക്ക് ദിനമായി ആചരിക്കാനാണ് നിര്‍ദ്ദേശം.

ഈ ദിവസം സര്‍വ്വകലാശാലകളിലെ എല്ലാ വിദ്യാര്‍ത്ഥികളും സൈന്യത്തിന് പ്രോത്സാഹനം നല്‍കുന്ന രീതിയിലുള്ള പ്രതിജ്ഞയെടുക്കണം. എല്ലാ എന്‍സിസി യൂണിയറ്റുകളും പ്രത്യേക പരേഡുകള്‍ നടത്തണമെന്നും യുജിസി ആവശ്യപ്പെട്ടു.

സൈനികരുടെ ത്യാഗങ്ങള്‍ വിദ്യാര്‍ത്ഥികള്‍ വിമുക്തഭടന്മാരിലൂടെ മനസിലാക്കുന്ന രീതിയിലുള്ള സമ്മേളനങ്ങള്‍, പ്രധാനപ്പെട്ട സ്ഥലങ്ങളിലെല്ലാം എക്സിബിഷനുകള്‍ തുടങ്ങിയവ സംഘടിപ്പിക്കണമെന്നും യുജിസി അറിയിച്ചിട്ടുണ്ട്.