ട്വിറ്ററിൽ സെൽഫ്ഗോളടിച്ച് കോൺഗ്രസ്; റീട്വീറ്റ് ചെയ്ത് സുഷമ

ന്യൂഡൽഹി: തന്നെക്കുറിച്ചുള്ള അഭിപ്രായം ആരാഞ്ഞ് കോൺഗ്രസ് ട്വിറ്റര്‍ ഹാൻഡിലിൽ പോസ്റ്റ് ചെയ്ത ട്വീറ്റ് ആയുധമാക്കി വിദേശകാര്യമന്ത്രി സുഷമാ സ്വരാജ്. ഇറാഖിൽ 39 ഇന്ത്യക്കാര്‍ കൊല്ലപ്പെട്ടത് വിദേശകാര്യമന്ത്രിയുടെ പരാജയമാണോ എന്ന ചോദ്യമാണ് മന്ത്രി അതേപടി റീട്വീറ്റ് ചെയ്തത്.


വിദേശകാര്യമന്ത്രി എന്ന നിലയിൽ സുഷമാ സ്വരാജിന്‍റെ പരാജയമാണോ ഇറാഖിലെ 39 ഇന്ത്യക്കാരുടെ മരണം എന്നായിരുന്നു ട്വിറ്ററിൽ കോൺഗ്രസിന്‍റെ ചോദ്യം. എന്നാൽ വോട്ടുചെയ്ത ഭൂരിഭാഗവും സുഷമയുടെ പരാജയമല്ലെന്ന് മറുപടി നല്‍കിയതോടെ കോൺഗ്രസ് വെട്ടിലായി. ആ ട്വീറ്റ് അതേപടി സ്വന്തം ട്വിറ്റര്‍ ഹാൻഡിലിൽ ഷെയര്‍ ചെയ്യുകയായിരുന്നു സുഷമാ സ്വരാജ്.

കോൺഗ്രസിന്‍റെ സെൽഫ് ഗോള്‍ ട്വീറ്റ് നിരവധി പേരാണ് ഏറ്റെടുത്തത്.