പദ്‌മശ്രീ പുരസ്‌കാരം നിരസിച്ച് സ്വാമി സിദ്ധേശ്വർ

ബെംഗലൂരു: കേന്ദ്ര സർക്കാർ നിർദേശിച്ച പദ്‌മശ്രീ അവാർഡ് സ്വീകരിക്കാൻ കഴിയില്ലെന്ന് വ്യക്തമാക്കി സിദ്ധേശ്വർ സ്വാമി. ഇത് വ്യക്തമാക്കി സ്വാമി പ്രധാനമന്ത്രിക്ക് കത്തയച്ചു. സന്യാസിയായതിനാൽ പുരസ്‌കാരങ്ങളിൽ താൽപര്യം ഇല്ലെന്നും പദ്‌മശ്രീ പുരസ്‌കാരത്തിന് താൻ നന്ദിയറിയിക്കുന്നുവെന്നും സിദ്ധേശ്വർ സ്വാമി കത്തിൽ പറയുന്നു.

പദ്‌മ പുരസ്‌കാരത്തോടും കേന്ദ്ര സർക്കാരിനോടും ഉള്ള എല്ലാ ആദരവും നിലനിർത്തിക്കൊണ്ടാണ് താൻ ഇത് നിരസിക്കുന്നതെന്നും സ്വാമി അറിയിച്ചു. ആത്മീയ ഗുരുവായ സ്വാമി സിദ്ധേശ്വർ, തന്‍റെ തീരുമാനം സർക്കാർ ഉൾക്കൊള്ളുമെന്ന് കരുതുന്നതായി കത്തിൽ പരാമർശിച്ചു.