ഇന്‍ഡിഗോ വിമാനത്തില്‍ എയര്‍ഹോസ്റ്റസിനു നേരെ ലൈംഗികാതിക്രമം; സ്വീഡിഷ് പൗരന്‍ അറസ്റ്റില്‍

മുംബൈ: വിമാനത്തിനുള്ളില്‍ എയര്‍ഹോസ്റ്റസിനു നേരെ ലൈംഗികാതിക്രമം നടത്തിയ സ്വീഡിഷ് പൗരന്‍ അറസ്റ്റില്‍. ഇന്‍ഡിഗോ വിമാനത്തിനുള്ളില്‍ വ്യാഴാഴ്ചയാണ് സംഭവം. ബാങ്കോക്കില്‍ നിന്നെത്തിയ വിമാനത്തിലെ യാത്രക്കാരനായ ക്ലാസ് എറിക് ഹരാള്‍ഡ് ജൊനാസ് വെസ്റ്റ്‌ബെര്‍ഗ് (63) ആണ് പിടിയിലായത്.

Also Read: 'ശമ്പളരഹിത സേവനം 41-ാം ദിവസം'; ബാഡ്ജ് ധരിച്ചു ജോലി ചെയ്ത വനിതാ കണ്ടക്ടർക്കെതിരെ നടപടി

ഭക്ഷണം വിളമ്പുന്നതിനിടെ 24 കാരിയായ എയര്‍ഹോസ്റ്റസിനോട് ഇയാള്‍ ലൈംഗികാതിക്രമം കാട്ടുകയായിരുന്നു. വെസ്റ്റ്‌ബെര്‍ഗ് മദ്യ ലഹരിയില്‍ മോശമായി പെരുമാറിയെന്ന് പരാതിയില്‍ പറയുന്നു. വെസ്റ്റ്‌ബെര്‍ഗ് വാങ്ങിയ ഭക്ഷണത്തിന്റെ ബില്‍ അടയ്ക്കാന്‍ പിഒഎസ് മെഷീനുമായി കടന്നുപിടിക്കുകയായിരുന്നു.

ഇതിനെതിരെ പ്രതികരിച്ചപ്പോള്‍ വെസ്റ്റ്‌ബെര്‍ഗ് സീറ്റില്‍ നിന്ന് എഴുന്നേല്‍ക്കുകയും മറ്റ് യാത്രക്കാരുടെ മുന്നില്‍വെച്ച് അതിക്രമം കാട്ടുകയുമായിരുന്നു. ബഹളം ഉണ്ടാക്കി കരയാന്‍ തുടങ്ങിയതോടെയാണ് ഇയാള്‍ തിരികെ സീറ്റിലേക്ക് പോയതെന്നും എയര്‍ഹോസ്റ്റസ് പരാതിയില്‍ പറയുന്നു.

Also Read: ഭർത്താവ് കൂട്ടുപ്രതിയായ സ്ത്രീയുമായെത്തി; കോടതി മുറിയിൽ കയറി പൊതിരെ തല്ലി ഭാര്യ

ഇന്‍ഡിഗോ വിമാനം മുംബൈയില്‍ എത്തിയതിന് ശേഷം വിമാന ജീവനക്കാര്‍ വെസ്റ്റ്‌ബെര്‍ഗിനെ പോലീസിന് കൈമാറുകയായിരുന്നു. അന്ധേരി മെട്രോപോളിറ്റന്‍ മജിസ്‌ട്രേറ്റ് കോടതിയില്‍ ഹാജരാക്കിയ ഇയാള്‍ക്ക് കോടതി ജാമ്യം അനുവദിച്ചു. സംഭവത്തെ കുറിച്ച് പോലീസ് അന്വേഷണം ആരംഭിച്ചിട്ടുണ്ട്.

Read Latest National News and Malayalam News