ചെന്നൈ: കേരള മുഖ്യമന്ത്രി പിണറായി വിജയന് ജന്മദിന ആശംസകളുമായി തമിഴ്നാട് മുഖ്യമന്ത്രി എം കെ സ്റ്റാലിൻ.
പ്രിയ സഖാവും ബഹുമാനപ്പെട്ട കേരള മുഖ്യമന്ത്രിയുമായ പിണറായി വിജയന് ജന്മദിനാശംസകൾ നേരുന്നുവെന്ന് സ്റ്റാലിൻ ഫേസ്ബുക്ക് പോസ്റ്റിലൂടെ വ്യക്തമാക്കി.
ഛിദ്രശക്തികൾക്കെതിരെ കേരളത്തെ കൂടുതൽ ശക്തിപ്പെടുത്താനും, സംസ്ഥാനങ്ങളുടെ ഐക്യത്തിന് കരുത്താവാൻ കഴിയട്ടെ എന്നും സ്റ്റാലിൻ ആശംസാ കുറിപ്പിലൂടെ പറഞ്ഞു. 1945 മേയ് 24ന് കണ്ണൂരിലെ തലശേരിയിലെ പിണറായി പഞ്ചായത്തിലാണ് പിണറായി വിജയൻ ജനിച്ചത്.
77മത് ജന്മദിനം ആഘോഷിക്കുന്ന മുഖ്യമന്ത്രി പിണറായി വിജയൻ തൃക്കാക്കര ഉപതെരഞ്ഞെടുപ്പ് പ്രചാരണ പ്രവർത്തനങ്ങളുടെ തിരക്കിലാണ്. മണ്ഡലത്തിലെ ഇടതുമുന്നണി പ്രചാരണ പ്രവർത്തനങ്ങൾ നേരിട്ട് വിലയിരുത്തുകയാണ് മുഖ്യമന്ത്രി. കൊച്ചിയിലുള്ള മുഖ്യമന്ത്രി മെയ് 27വരെ തെരഞ്ഞെടുപ്പ് പ്രചാരണ രംഗത്തുണ്ടാകും. ജന്മദിനം ആഘോഷിക്കാറില്ലാത്ത മുഖ്യമന്ത്രി ആശംസകൾ അറിയിച്ച് വിളിക്കുന്നവർക്ക് മറുപടി നൽകുക മാത്രമാണ് ചെയ്യുക. ഇത്തവണയും പ്രത്യേക ആഘോഷങ്ങളോ ചടങ്ങുകളോ ഒന്നുമുണ്ടാവില്ലെന്ന് മുഖ്യമന്ത്രിയുടെ ഓഫീസ് അറിയിച്ചു.
ഒന്നാം പിണറായി സർക്കാർ അധികാരമേൽക്കുന്നതിന്റെ തലേദിവസമായിരുന്നു തന്റെ യഥാർഥ ജന്മദിനം 1945 മെയ് 24ന് ആണെന്ന് മുഖ്യമന്ത്രി വെളിപ്പെടുത്തിയത്. ഔദ്യോഗിക രേഖകളിൽ മാർച്ച് 21 ആണ് പിണറായി വിജയന്റെ ജന്മദിനമായി രേഖപ്പെടുത്തിയിരിക്കുന്നത്. കഴിഞ്ഞവർഷം രണ്ടാം പിണറായി സർക്കാർ അധികാരമേറ്റ് പതിനഞ്ചാം കേരള നിയമസഭയുടെ ഒന്നാംസമ്മേളനം ചേരുന്ന ദിവസമായിരുന്നു പിണറായിയുടെ 76മത് പിറന്നാൾ.
പ്രിയ സഖാവും ബഹുമാനപ്പെട്ട കേരള മുഖ്യമന്ത്രിയുമായ പിണറായി വിജയന് ജന്മദിനാശംസകൾ നേരുന്നുവെന്ന് സ്റ്റാലിൻ ഫേസ്ബുക്ക് പോസ്റ്റിലൂടെ വ്യക്തമാക്കി.
ഛിദ്രശക്തികൾക്കെതിരെ കേരളത്തെ കൂടുതൽ ശക്തിപ്പെടുത്താനും, സംസ്ഥാനങ്ങളുടെ ഐക്യത്തിന് കരുത്താവാൻ കഴിയട്ടെ എന്നും സ്റ്റാലിൻ ആശംസാ കുറിപ്പിലൂടെ പറഞ്ഞു. 1945 മേയ് 24ന് കണ്ണൂരിലെ തലശേരിയിലെ പിണറായി പഞ്ചായത്തിലാണ് പിണറായി വിജയൻ ജനിച്ചത്.
77മത് ജന്മദിനം ആഘോഷിക്കുന്ന മുഖ്യമന്ത്രി പിണറായി വിജയൻ തൃക്കാക്കര ഉപതെരഞ്ഞെടുപ്പ് പ്രചാരണ പ്രവർത്തനങ്ങളുടെ തിരക്കിലാണ്. മണ്ഡലത്തിലെ ഇടതുമുന്നണി പ്രചാരണ പ്രവർത്തനങ്ങൾ നേരിട്ട് വിലയിരുത്തുകയാണ് മുഖ്യമന്ത്രി. കൊച്ചിയിലുള്ള മുഖ്യമന്ത്രി മെയ് 27വരെ തെരഞ്ഞെടുപ്പ് പ്രചാരണ രംഗത്തുണ്ടാകും. ജന്മദിനം ആഘോഷിക്കാറില്ലാത്ത മുഖ്യമന്ത്രി ആശംസകൾ അറിയിച്ച് വിളിക്കുന്നവർക്ക് മറുപടി നൽകുക മാത്രമാണ് ചെയ്യുക. ഇത്തവണയും പ്രത്യേക ആഘോഷങ്ങളോ ചടങ്ങുകളോ ഒന്നുമുണ്ടാവില്ലെന്ന് മുഖ്യമന്ത്രിയുടെ ഓഫീസ് അറിയിച്ചു.
ഒന്നാം പിണറായി സർക്കാർ അധികാരമേൽക്കുന്നതിന്റെ തലേദിവസമായിരുന്നു തന്റെ യഥാർഥ ജന്മദിനം 1945 മെയ് 24ന് ആണെന്ന് മുഖ്യമന്ത്രി വെളിപ്പെടുത്തിയത്. ഔദ്യോഗിക രേഖകളിൽ മാർച്ച് 21 ആണ് പിണറായി വിജയന്റെ ജന്മദിനമായി രേഖപ്പെടുത്തിയിരിക്കുന്നത്. കഴിഞ്ഞവർഷം രണ്ടാം പിണറായി സർക്കാർ അധികാരമേറ്റ് പതിനഞ്ചാം കേരള നിയമസഭയുടെ ഒന്നാംസമ്മേളനം ചേരുന്ന ദിവസമായിരുന്നു പിണറായിയുടെ 76മത് പിറന്നാൾ.