ശ്രീകൃഷ്ണ ബീഫ് സ്റ്റാൾ; ഹലാൽ മാംസം ലഭിക്കും; വൈറലായി ഇറച്ചിക്കട

ഹലാൽ മാംസത്തിനെതിരെ വിവിധ മതസംഘടനകൾ പ്രചാരണം നടത്തുന്നതിനിടെ വൈറലായി ഇറച്ചിക്കട. ഹലാൽ മാംസം വിൽക്കുന്ന തമിഴ്നാട്ടിലെ ശ്രീകൃഷ്ണ ബീഫ് സ്റ്റാളാണ് വൈറലായിരിക്കുന്നത്. കെ കണ്ണൻ എന്നയാളുടെ ഉടമസ്ഥതയിലുള്ളതാണ് കട. ഫേസ്ബുക്കിലും ട്വിറ്ററിലുമാണ് കടയുടെ ചിത്രങ്ങൾ വ്യാപകമായി പ്രചരിക്കുന്നത്. 'ഹലാൽ രീതിയിൽ അറുത്ത മാസം ലഭിക്കും' എന്ന പരസ്യ ബോർഡും കടയിലുണ്ട്.

ഹലാൽ വിഭവങ്ങൾക്കെതിരെ കേരളത്തിലും ദക്ഷിണേന്ത്യൻ സംസ്ഥാനങ്ങളിലും വ്യാപകമായി വിദ്വേഷ പ്രചരണം നടക്കുന്നതിനിടെയാണ് കടയുടെ ചിത്രം പ്രചരിക്കുന്നത്. വ്യാപക പ്രതിഷേധത്തെത്തുടർന്ന് കടയുടെ ബോർഡ് എടുത്തുമാറ്റിയതായി ഹിന്ദു മക്കൾ കക്ഷി പറഞ്ഞു.

ഗോഡ്സെയുടെ പേരിൽ കൊട്ടിഘോഷിച്ച് ആരംഭിച്ച ലൈബ്രറി മൂന്നാം ദിവസം പൂട്ടിച്ചു; പുസ്‌തകങ്ങൾ പിടിച്ചെടുത്തു
ഹിന്ദു, ക്രിസ്ത്യൻ, മുസ്ലിം മതങ്ങളെ പ്രതിനിധീകരിക്കുന്ന ചിത്രങ്ങളും എംജിആറിന്റെ ചിത്രവും ജയലളിതയുടെ ചിത്രവും കടയുടെ ബോർഡിലുണ്ട്. കടയുടെ പേരായ ശ്രീകൃഷ്ണ ബീഫ് സ്റ്റാൾ എന്നതിനു താഴെ ഹലാൽ രീതിയിൽ അറുക്കപ്പെട്ട മാംസം ഓർഡർ പ്രകാരം ലഭിക്കും എഴുതിയിട്ടുണ്ട്.

ബീഫ് സ്റ്റാളിനെ പിന്തുണച്ചും എതിർത്തും നിരവധി പേരാണ് രംഗത്തെത്തിയിരിക്കുന്നത്. കടയുടെ ബോർഡിനെതിരെ പ്രതിഷേധം ഉയർന്നതിനെത്തുടർന്ന് എടുത്തു നീക്കിയതായി ഹിന്ദു മക്കൾ കക്ഷി ട്വീറ്റിലൂടെ വ്യക്തമാക്കി. ബോർഡില്ലാത്ത കടയുടെ ചിത്ര സഹിതമാണ് ട്വീറ്റ്.