മുത്തച്ഛന്റെ ഗ്രാമം
കമല ഹാരിസിന്റെ മുത്തച്ഛൻ പി വി ഗോപാലൻ ചെറുപ്പത്തിൽ താമസിച്ചിരുന്ന ഗ്രമാമാണ് തുളസേന്തിരപുരം. പിന്നീട്, ബ്രിട്ടീഷ് സര്‍ക്കാരിന്റെ കാലത്ത് ജോലി നേടുകയും അവിടെ നിന്നും താമസം മാറുകയുമായിരുന്നു. കമലയുടെ മുത്തശ്ശി രാജം അടുത്തുള്ള പൈങ്കനാട് ഗ്രാമത്തിലായിരുന്നു. ഈ രണ്ട് ഗ്രാമങ്ങളും ദിവസങ്ങളോളമായി സത്യപ്രതിജ്ഞ ആഘോഷമാക്കാൻ കാത്തിരിക്കുകയാണ്. അവയ്ക്കിടയിലുള്ള 10 കിലോമീറ്റർ ചുറ്റളവിൽ വലിയ ഡിജിറ്റൽ ബാനറുകളാൽ പുഷ്പങ്ങളും ഇലകളും കൊണ്ട് അലങ്കരിച്ചിരിക്കുകയാണ്.
പോസ്റ്ററുകളും കലണ്ടറുകളും
ഗ്രാമങ്ങളിലെ ക്ഷേത്രങ്ങള്‍ എത്തി പ്രാര്‍ത്ഥിക്കുകയും റോഡുകൾ വൃത്തിയാക്കുകയും അടക്കമുള്ള കാര്യങ്ങള്‍ ചെയ്യുന്നു. അതിന്പുറമെ, കമലയുടെ ചിത്രം പതിപ്പിച്ച പോസ്റ്ററുകളും മറ്റും ഉയര്‍ത്തിയിട്ടുണ്ട്.
പല കച്ചവട സ്ഥാപനങ്ങളും കമലയുടെ ചിത്രങ്ങള്‍ പതിപ്പിച്ച കലണ്ടറുകളും പുറത്തിറക്കിയിട്ടുണ്ട്. കക്ഷിരാഷ്ട്രീയമില്ലാതെ നിരവധിയാളുകള്‍ മധുരവിതരണത്തിനും മറ്റും നേരിട്ട് ഇറങ്ങിയിട്ടുണ്ട്.
സത്യപ്രതിജ്ഞാ സമയത്തും ആഘോഷം
ഇന്നലെ ഇന്ത്യൻ സമയം വൈകിട്ട് നടന്ന അമേരിക്കൻ പ്രസിഡന്റ് സത്യപ്രതിജ്ഞാ ചടങ്ങുകളുടെ സമയത്തും വലിയ ആഘോഷ പരിപാടികളാണ് നടത്തിയിരുന്നത്. സത്യപ്രതിജ്ഞാ ചടങ്ങുകള്‍ ആരംഭിക്കാൻ ഗ്രാമവാസികൾ കാത്തിരുന്നതിനാൽ പടക്കം പൊട്ടി മധുരപലഹാരങ്ങൾ വിതരണം ചെയ്യുകയും ചെയ്തിരുന്നു.
ക്ഷേത്രത്തിന് സംഭാവന
വര്‍ഷങ്ങള്‍ക്ക് മുൻപേ ഇന്ത്യ വിട്ടു പോയെങ്കിലും ഗ്രാമവുമായി അടുത്ത ബന്ധമാണ് കമല പുലര്‍ത്തിയിരുന്നത്. ഇന്ത്യൻ സംസ്കാരത്തെയും കമല സ്നേഹിച്ചിരുന്നു. തുളസേന്തിരാപുരം ക്ഷേത്രവുമായി വളരെ അടുത്ത ബന്ധമാണുണ്ടായിരുന്നത്. ക്ഷേത്രത്തിന്റെ പുനരുദ്ധാരണത്തിന് അടക്കം കമലയുടെ കുടുംബം സംഭാവനകള്‍ നൽകിപ്പോന്നിരുന്നു. 2014ൽ കമലയുടെ പേരിലും ഇത്തരത്തിൽ സംഭാവന നൽകിയിരുന്നു.
ഇന്ത്യയിലെത്തുമ്പോള്‍ മിക്കപ്പോഴും അമ്മയെ കമല സന്ദര്‍ശിക്കാനുമെത്തി. മക്കളെ ആത്മവിശ്വാസത്തോടെ വളര്‍ത്താനായി അമ്മ നടത്തിയ ശ്രമങ്ങളെപ്പറ്റി കമല ഹാരിസ് തന്റെ ആത്മകഥയിൽ വ്യക്തമാക്കുന്നുണ്ട്.