മെഡിക്കൽ പ്രവേശനം ലഭിച്ചില്ല: ദളിത് വിദ്യാർഥിനി ആത്മഹത്യ ചെയ്തു

ചെന്നൈ: തമിഴ്‍നാട്ടിൽ മെഡിക്കൽ പ്രവേശനം ലഭിക്കാഞ്ഞതിനെ തുടർന്ന് ദളിത് വിദ്യാർഥിനി ആത്മഹത്യ ചെയ്തു. നീറ്റ് പരീക്ഷയിൽ മികച്ച പ്രകടനം നടത്താൻ സാധിക്കാഞ്ഞതിനാലാണ് അനിതക്ക് മെഡിക്കൽ പ്രവേശനം ലഭിക്കാതിരുന്നത്.

പ്ലസ്ടുവിന് 1200ൽ 1176 മാര്‍ക്ക് നേടിയ അനിത സ്കൂളിൽ ഒന്നാമതായിരുന്നു. ഇത്രയും മാർക്ക് ലഭിച്ചിട്ടും മെഡിക്കൽ പ്രവേശനം ലഭിച്ചില്ല. ഇതിൽ മനം നൊന്താണ് അനിത ആത്മഹത്യ ചെയ്തതെന്നാണ് സൂചന.
അരിയല്ലൂർ സ്വദേശിയായ ഷൺമുഖൻെറ ഏകമകളാണ്. സാമ്പത്തികമായും ഏറെ പിന്നോക്കം നിൽക്കുന്ന കുടുംബമാണ് അനിതയുടേത്. ചുമട്ടു തൊഴിലാളിയായ ഷൺമുഖൻെറ വരുമാനം കൊണ്ടാണ് ജീവിതം കഴിഞ്ഞിരുന്നത്. 196.5

തമിഴ്‌നാടിനെ നീറ്റില്‍ നിന്നും ഒഴിവാക്കണമെന്നാവശ്യപ്പെട്ട് അനിത നേരത്തെ സുപ്രീം കോടതിയെ സമീപിച്ചിരുന്നു. നീറ്റ് നടപ്പാക്കുന്നത് ബോര്‍ഡ് പരീക്ഷയില്‍ ബോര്‍ഡ് പരീക്ഷയില്‍ മികച്ച മാര്‍ക്ക് വാങ്ങിയിട്ടും നീറ്റില്‍ മികച്ച പ്രകടനം കാഴ്ച വെയ്ക്കാൻ സാധിക്കാത്ത തന്നെ പോലെയുള്ള വിദ്യാര്‍ത്ഥികളെ ബുദ്ധിമുട്ടിലാക്കുമെന്ന് വ്യക്തമാക്കിയായിരുന്നു ഹർജി.

നടന്നത് ഏറെ ദു:ഖകരമായ സംഭവമാണെന്ന് തമിഴ്‌നാട് ആരോഗ്യമന്ത്രി വിജയ ഭാസ്‌കര്‍ പ്രതികരിച്ചു.

Tamilnadu Dalit girl who petitioned against NEET commits suicide

S.Anitha, a dalit girl who filed a case in the Supreme Court against National Eligibility cum Entrance Test (NEET) for medical admissions, has reportedly hanged herself.