കരുണാനിധിയുടെ മരണം; തമിഴ്നാട്ടില്‍ സുരക്ഷ ശക്തമാക്കി

തമിഴ്നാട് മുന്‍ മുഖ്യമന്ത്രിയും ഡിഎംകെ അദ്ധ്യക്ഷനുമായ കരുണാനിധി മരണപ്പെട്ടതിന് പിന്നാലെ തമിഴ്നാട്ടില്‍ സുരക്ഷ ശക്തമാക്കി.പോലീസിന് ഇതുസംബന്ധിച്ച് അടിയന്തിര നിര്‍ദ്ദേശം നല്‍കി. ചെന്നൈയിലും സംസ്ഥാനത്തെ വിവിധ പ്രദേശങ്ങളിലും നേരത്തേ തന്നെ വന്‍ പോലീസ് സന്നാഹം നിലയുറപ്പിച്ചിരുന്നു.

അതേസമയം കര്‍ണാടക അടക്കമുള്ള അയല്‍ സംസ്ഥാനങ്ങളില്‍ നിന്നും തമിഴ് നാട്ടിലേക്കുള്ള ബസ് സര്‍വ്വീസുകള്‍ റദ്ദാക്കിയിട്ടുണ്ട്. മരണത്തെ തുടര്‍ന്ന് തമിഴ്നാട്ടില്‍ ഉണ്ടായേക്കാവുന്ന വൈകാരിക പ്രതികരണങ്ങളും സുരക്ഷാ പ്രശ്നങ്ങളും കണക്കിലെടുത്താണ് നടപടി.