അധ്യാപകനും എട്ടാം ക്ലാസുകാരിയെ പീഡിപ്പിച്ചു
നാല് ആണ്‍കുട്ടികളും പ്രധാനധ്യാപകനും ചേർന്ന് ക്രൂരമായി കുട്ടബലാത്സംഗം ചെയ്തെന്ന വാർത്തയാണ് ഇപ്പോൾ പുറത്ത് വരുന്നത്. സംഭവത്തില്‍ പ്രദേശത്തെ പ്രൈമറി സ്‌കൂളിലെ പ്രധാനാധ്യാപകനായ സുനില്‍ കുമാര്‍ സിങ്ങി(55)നെയും നാലംഗസംഘത്തില്‍ ഉള്‍പ്പെട്ട പ്രായപൂര്‍ത്തിയാകാത്ത ഒരാളെയും പോലീസ് പിടികൂടി. ശനിയാഴ്ച വൈകുന്നേരമാണ് സംഭവം നടന്നത്. പ്രാഥമിക ആവശ്യം നിറവേറ്റാൻ വീട്ടിൽ നിന്ന് പുറത്തിറങ്ങിയ പെൺകുട്ടിയെ നാല് സഹപാഠികൾ ചേർന്ന് തട്ടിക്കൊണ്ടുപോകുകയായിരുന്നു.
ഒരാൾ വായ പൊത്തി മറ്റുള്ളവർ മാറി മാറി ബലാത്സംഗം ചെയ്തു
വീട്ടിൽ നിന്നും കുറച്ച് ദൂരെയുള്ള ആളൊഴിഞ്ഞ സ്ഥലത്തേക്ക് പെൺകുട്ടിയെ സഹപാഠികൾ കൊണ്ടുപോകുകയായിരുന്നു. ഒരാൾ വായ പൊത്തി പിടിക്കുകയും മറ്റുള്ളവർ മാറി മാറി ബലാത്സംഗം ചെയ്യുകയുമായിരുന്നുവെന്ന് ഇരയായ പെൺകുട്ടി പറയുന്നു. പെൺകുട്ടിയെ തട്ടിക്കൊണ്ടുപോകുന്നത് പ്രദേശത്ത് തന്നെയുള്ള പ്രധാനധ്യാപകൻ സുരേന്ദ്ര കുമാർ ഭാസ്‌കർ കാണുകയും ഇവരെ പിന്തുടരുകയും ചെയ്തു. അധ്യാപകനെ കണ്ടതോടെ ആൾകുട്ടികൾ ഓടി രക്ഷപ്പെടുകയായിരുന്നു.
അധ്യാപകൻ രക്ഷിക്കുമെന്ന് കരുതി.. പക്ഷെ
അധ്യപകൻ വന്നതോടെ പെൺകുട്ടി തന്നെ രക്ഷിക്കുമെന്നാണ് കരുതിയത്. എന്നാൽ അധ്യാപകനും പെൺകുട്ടിയെ ക്രൂരമായി ബലാത്സംഗം ചെയ്യുകയായിരുന്നു. ശേഷം ഇയാൾ തന്നെയാണ് പെൺകുട്ടിയെ വീട്ടിൽ എത്തിച്ചത്. പെൺകുട്ടിയുടെ രക്ഷിതാക്കളോട് നാല് ആൺകുട്ടികൾ കുട്ടിയെ ബലാത്സംഗം ചെയ്‌തെന്നും താനാണ് കുട്ടിയെ രക്ഷിച്ചതെന്നും പറയുകയായിരുന്നു. എന്നാൽ സുരേന്ദ്ര കുമാർ ഭാസ്‌കർ വീട്ടിൽ നിന്ന് പോയതോടെ പെൺകുട്ടി വീട്ടുകാരോട് എല്ലാകാര്യങ്ങളും തുറന്ന് പറയുകയായിരുന്നു.
രണ്ട് പേർ അറസ്റ്റിൽ
മാതാപിതാക്കള്‍ പെണ്‍കുട്ടിയെ ആശുപത്രിയില്‍ പ്രവേശിപ്പിക്കുകയും പോലീസിനെ വിവരമറിയിക്കുകയും ചെയ്തു. പരാതിയുടെ അടിസ്ഥാനത്തിൽ അധ്യാപകനേയും ഒരു ആൺകുട്ടിയേയും പോലീസ് അറസ്റ്റ് ചെയ്തു. റിമാന്‍ഡ് ചെയ്ത അധ്യാപകനെ ജയിലിലേക്കും പ്രായപൂര്‍ത്തിയാകാത്ത ആണ്‍കുട്ടിയെ ജുവനൈല്‍ ഹോമിലേക്കും അയച്ചു. മറ്റ് പ്രതികൾക്കായി അന്വേഷണം നടക്കുകയാണെന്ന് പോലീസ് അറിയിച്ചു. ബിഹാറിലെ കയ്മുര്‍ ജില്ലയിലാണ് എട്ടാംക്ലാസ് വിദ്യാര്‍ഥിനി ക്രൂരതയ്ക്കിരയായത്.