കന്നി യാത്രയ്ക്ക് ശേഷം ശോചനീയാവസ്ഥയിൽ തേജസ്

മുംബൈ- ഗോവ യാത്ര രാജകീയമാക്കാൻ സർവീസ് ആരംഭിച്ച തേജസ് എക്സ്പ്രസിന്‍റെ കന്നി യാത്ര വളരെ ശോചനീയമായിരുന്നു. യാത്രയുടെ അവസാനം ജീവനക്കാർ നടത്തിയ പരിശോധനയിൽ ട്രെയിനിലുണ്ടായ എൽസിഡി സ്ക്രീനുകൾ തകർത്തതായും ഹെഡ്ഫോണുകൾ മോഷ്ടിക്കപ്പെട്ടതായും കണ്ടെത്തി. ആദ്യയാത്രയിൽ ട്രെയിനിൽ യാത്ര ചെയ്തവരാണ് ഇതിനു പിന്നിൽ. ശുചിമുറികൾ വൃത്തികേടാക്കിയും ട്രെയിനിലാകെ ചവറുകൾ നിക്ഷേപിച്ചും അലങ്കോലമാക്കിയിരുന്നു.

മുംബൈയിൽ നിന്നും ആരംഭിച്ച യാത്ര ഗോവയിൽ അവസാനിച്ചപ്പോഴേക്കും സീറ്റുകൾക്ക് പിന്നിലുണ്ടായിരുന്ന എൽസിഡി സ്ക്രീനുകളെല്ലാം തകർത്തിരുന്നു. യാത്രക്കാർക്ക് നൽകിയ ഹെഡ് ഫോണുകളും മോഷണം പോയി. മറ്റൊരു ട്രെയിനുകളും നൽകാത്ത ആഡംബര സൗകര്യങ്ങൾ നൽകി തേജസ് സർവീസ് ആരംഭിച്ചപ്പോൾ അവ വേണ്ടപ്പോലെ ഉപയോഗിക്കാൻ യാത്രക്കാർ ബാധ്യസ്ഥരാണെന്നാണ് റെയിൽവെ വ്യക്തമാക്കിയത്. സ്വന്തം ആസ്തിയായി ട്രെയിനിനെ കാണണമെന്നും റെയിൽവെ അധികൃതർ വ്യക്തമാക്കി. കേടുപാടുകൾ നികത്തി വെള്ളിയാഴ്ചയോട് കൂടി യാത്ര പുനരാരംഭിക്കാൻ കഴിയുമെന്നുള്ള വിശ്വാസത്തിലാണ് റെയിൽവെ.

Tejas Express: Day One, several headphones stolen

The Mumbai-Goa Tejas Superfast Express' maiden run on Monday has left Railway Minister Suresh Prabhu understandably chuffed.