തെലങ്കാന ഭക്തര്‍ക്ക് ബിജെപിയുടെ സൗജന്യ ശബരിമലയാത്ര

ഹൈദരാബാദ്: ശബരിമല പ്രവേശനത്തിന്‍റെ പേരില്‍ കേരളത്തില്‍ വിവാദം മുറുകുന്നതിനിടയില്‍ തെലങ്കാനയില്‍ നിന്ന് ശബരിമല തീര്‍ഥാടനത്തിന് പോകുന്നവര്‍ക്ക് ബിജെപി സൗജന്യയാത്ര അനുവദിക്കുമെന്ന് സൂചനയെന്ന് റിപ്പോര്‍ട്ടുകള്‍.

ഡിസംബറില്‍ നടക്കുന്ന നിയമസഭ തെരഞ്ഞെടുപ്പിനുള്ള പ്രകടനപത്രികയില്‍ ബിജെപി സൗജന്യ ശബരിമലയാത്ര ഉള്‍ക്കൊള്ളിക്കുമെന്ന് മാതൃഭൂമി റിപ്പോര്‍ട്ട് ചെയ്‍‍തു. ശബരിമല മാത്രമല്ല മറ്റു തീര്‍ഥാടനകേന്ദ്രങ്ങളിലേക്കുള്ള യാത്രയിലും ഇത് ബാധകമാകും എന്നാണ് ബിജെപി പറയുന്നത്.

തെലങ്കാനയിലെ രണ്ടാമത്തെ മാത്രം നിയമസഭയിലേക്കുള്ള തെരഞ്ഞെടുപ്പാണ് ഡിസംബറില്‍ നടക്കുന്നത്. നിലവില്‍ കോണ്‍ഗ്രസ് - തെലുങ്ക് ദേശം പാര്‍ട്ടി ഉള്‍പ്പെടുന്ന തെലങ്കാന ജനസമിതിയാണ് ഭരണത്തില്‍. സംസ്ഥാനത്തെ പ്രതിപക്ഷ പാര്‍ട്ടികളിലൊന്നാണ് ബിജെപി.