പുൽവാമയിൽ ഭീകരാക്രമണം; സിആർപിഎഫ് ജവാൻ കൊല്ലപ്പെട്ടു

പുൽവാമ: ജമ്മുകാശ്മീരിലെ പുൽവാമയിൽ ഭീകരരും സൈന്യവുമായി നടന്ന ഏറ്റുമുട്ടലിൽ സിആർപിഎഫ് ജവാൻ കൊല്ലപ്പെട്ടു. പുൽവാമയിലെ കാകപ്പോറ സൈനിക ക്യാമ്പിനുനേരെയാണ് ഭീകരർ ആക്രമണം നടത്തിയത്. രണ്ടുപേർക്ക് പരിക്കേറ്റതായി പിടിഐ വാർത്താ ഏജൻസി റിപ്പോർട്ട് ചെയ്തു.

സിആർപിഎഫ് ക്യാമ്പിനു നേരെ ഗ്രനേഡ് എറിഞ്ഞ ശേഷം ഭീകരർ തുടർച്ചയായി നിറയൊഴിക്കുകയായിരുന്നു. ഭീകരാക്രമണത്തിന്റെ പശ്ചാത്തലത്തിൽ സ്ഥലത്തേക്ക് കൂടുതൽ സിആർപിഎപ് ജവാന്മാരെത്തി.

പ്രദേശത്ത് ഏറ്റുമുട്ടൽ തുടരുകയാണെന്നാണ് റിപ്പോർട്ട്. പഞ്ചായത്ത് തെരഞ്ഞെടുപ്പിന്റെ ഭാഗമായാണ് കാകപ്പോറയിൽ സിആർപിഎഫ് ക്യാമ്പ് സ്ഥാപിച്ചത്.