കശ്മീരിൽ പോലീസ് സ്റ്റേഷന് നേരെ ഭീകരാക്രമണം

ശ്രീനഗർ: ജമ്മു കശ്മീരിലെ ഷോപ്പിയാനിൽ പോലീസ് സ്റ്റേഷന് നേരെ ഭീകരാക്രമണം. ഞായറാഴ്ച രാവിലെ ഭീകരർ വെടിയുതിർക്കുകയായിരുന്നു. വെടിവെപ്പിൽ ഒരു പോലീസുകാരന് പരിക്കേറ്റു. ഗുരുതരമായി പരിക്കേറ്റ ഇയാളെ ആശുപത്രിയിലെത്തിച്ചു. തീവ്രപരിചരണ വിഭാഗത്തിൽ നിരീക്ഷണത്തിലാണ്.

അതേ സമയം കുപ്‌വാര ജില്ലയിൽ നിയന്ത്രണ രേഖയ്ക്കു സമീപം ശനിയാഴ്ച ഉണ്ടായ നുഴഞ്ഞുകയറ്റശ്രമം ഇന്ത്യ തകർത്തു. പാക് സൈന്യത്തിൻെറ കൂടി സഹായത്തോടെയാണ് നുഴഞ്ഞുകയറ്റശ്രമം ഉണ്ടായത്.