പുൽവാമയിൽ പോലീസ് സ്റ്റേഷനുനേരെ ഗ്രനേഡ് ആക്രമണം; ഏഴ് പേര്‍ക്ക് പരിക്ക്

ജമ്മു: ജമ്മു കശ്മീരിലെ പുൽവാമയിൽ പോലീസ് സ്റ്റേഷനു നേരെ ഗ്രനേഡ് ആക്രമണം. സംഭവത്തിൽ ഏഴ് പ്രദേശവാസികള്‍ക്ക് പരിക്കേറ്റു. ഇതിൽ മൂന്ന് പേരുടെ സ്ഥിതി ഗുരുതരമാണെന്നാണ് റിപ്പോര്‍ട്ട്.



പോലീസ് സ്റ്റേഷന് സമീപത്തെ തിരക്കുള്ള റോഡിൽ നിന്നാണ് ഭീകരർ ആക്രമണം നടത്തിയത്. സ്റ്റേഷനു നേരെ എറിഞ്ഞ ഗ്രനേഡ് റോഡിൽ വീണ് പൊട്ടിയതിനെ തുടര്‍ന്നാണ് പ്രദേശവാസികള്‍ക്ക് പരിക്കേറ്റത്. പരിക്കേറ്റവരെ ആശുപത്രിയിൽ പ്രവേശിപ്പിച്ചു.