ശ്രീനഗറില്‍ സ്കൂളില്‍ ഒളിച്ചിരിക്കുന്ന ഭീകരരുമായി ഏറ്റുമുട്ടല്‍ തുടരുന്നു

ശ്രീനഗര്‍: ശ്രീനഗറിലെ ഡല്‍ഹി പബ്ലിക്ക് സ്കൂളില്‍ ഒളിച്ചിരിക്കുന്ന ഭീകരരുമായി സൈന്യം ഏറ്റുമുട്ടല്‍ തുടരുന്നു. മൂന്നോളം ഭീകരര്‍ കെട്ടിടത്തില്‍ ഒളിച്ചിരിക്കുന്നുണ്ടെന്നാണ് റിപ്പോര്‍ട്ട്. ആക്രമണത്തില്‍ രണ്ടു സൈനികര്‍ക്ക് പരിക്കേറ്റു.

ഞായറാഴ്ച്ച പുലര്‍ച്ചയോടെ ആരംഭിച്ച ഏറ്റുമുട്ടല്‍ ഇപ്പോളും തുടരുകയാണ്. ശ്രീനഗറിലെ തിരക്കേറിയ വ്യാപാര കേന്ദ്രത്തിനു സമീപമാണ് സ്കൂള്‍ സ്ഥിതിചെയ്യുന്നത്. ഡ്രോൺ ക്യാമറകളടക്കമുളളവ ഉപയോഗിച്ചാണ് തീവ്രവാദികള്‍ക്കായി തിരച്ചില്‍ നടത്തുന്നത്.

ഭീകരര്‍ എത്തുന്നതിനു മുന്‍പ് വിദ്യാര്‍ത്ഥികളുംഅധ്യാപകരും സ്കൂള്‍ വിട്ടത് വന്‍ അപകടം ഒഴിവാക്കി. കശ്മീരിലെ പന്ത ചൗക്കില്‍ സി ആര്‍ പി എഫ് വാഹനത്തിനു നേരെ ആക്രമണം നടത്തിയതിനു ശേഷമാണ് ഭീകരര്‍ സ്കൂളില്‍ കയറി ഒളിച്ചത്.

ശനിയാഴ്ച്ച പുലര്‍ച്ചയോടെ ഭീകരര്‍ അപ്രതീക്ഷിതമായി നടത്തിയ ആക്രമണത്തില്‍ ഒരു സബ് ഇന്‍സ്പെക്ടറടക്കം രണ്ടു പേര്‍ മരിക്കുകയും ഒരാള്‍ക്ക് പരിക്കേല്‍ക്കുകയും ചെയ്തിരുന്നു.

Terrorists Who Attacked CRPF Team Hiding In Srinagar School, Gunbattle On

A gunbattle is underway at Delhi Public School (DPS) Srinagar as security forces are trying to flush out terrorists who took refuge inside the school after attacking CRPF personnel in Pantha chowk area last evening.