14 ബന്ധുക്കളെ കൊലപ്പെടുത്തി 35കാരൻ ജീവനൊടുക്കി

താനെ: മഹാരാഷ്‍ട്രയിലെ താനെയിനിൽ സ്വന്തം കുടുംബത്തിലെ 14 പേരെ കൊലപ്പെടുത്തി 35കാരൻ ജീവനൊടുക്കി. ഞായാറാഴ്ച പുലർച്ചെയാണ് സംഭവം.

താനെയിലെ കസർവദാവലി ഗ്രാമ നിവാസിയായ ഹസൻ അൻവർ വരേക്കറാണ് കൊലപാതകത്തിന് ശേഷം ജീവനൊടുക്കിയത്. സ്വന്തം കുടുംബത്തിലെ ഏഴ് കുട്ടികളെയും ആറ് സ്ത്രീകളെയും ഒരു പുരുഷനേയുമാണ് ഹസൻ കൊലപ്പെടുത്തിയതെന്ന് പോലീസ് അറിയിച്ചു.

സ്വത്തിനെ ചൊല്ലിയുള്ള തർക്കമാണ് കൊലപാതകത്തിലേക്ക് നയിച്ചതെന്ന് സൂചനയുണ്ടെന്ന് കസർവദാവലി പോലീസ് പറഞ്ഞു.