തിരുപ്പതിയിൽ നിന്നും അഹിന്ദു ജീവനക്കാരെ നീക്കുന്നു

തിരുമല: അഹിന്ദുക്കളായ ജീവനക്കാരെ തിരുമല തിരുപ്പതി ദേവസ്ഥാനത്തുനിന്ന് നീക്കാൻ നീക്കം തുടങ്ങി. ഇതിന്‍റെ ഭാഗമായി 44 ജീവനക്കാരോട് വിശദീകരണം നല്‍കാൻ ആവശ്യപ്പെട്ടു. ഇവരെ തുല്യമായ സേവന വേതനവ്യവസ്ഥകളിൽ നിയമിക്കുമെന്ന് അറിയുന്നു.

1989 വരെ തിരുപ്പതിയിൽ ജീവനക്കാരെ നിയമിക്കുന്നതിന് ജാതിമത നിയന്ത്രണങ്ങളുണ്ടായിരുന്നില്ല. എന്നാൽ 89നും 2007നും ഇടയിൽ അനധ്യാപക തസ്തികയിലേയ്ക്കു മാത്രം അഹിന്ദുക്കളെ നിയമിക്കാമെന്ന ഭേദഗതി വന്നു. 2007ൽ ഇത് വീണ്ടും തിരുത്തി അധ്യാപക, അനധ്യാപക തസ്തികകളിൽ ഹിന്ദുക്കളെ മാത്രമേ നിയമിക്കാവൂ എന്നും ഭേദഗതിയുണ്ടായി.

തിരുപ്പതി ദേവസ്വം വിജിലൻസിന്‍റെ റിപ്പോര്‍ട്ട് പ്രകാരം വിവിധ ഭാഗങ്ങളിലായി സ്ത്രീകളും പുരുഷൻമാരുമടക്കം 44 അഹിന്ദു ജീവനക്കാരാണുള്ളത്.