ഇന്ത്യ-പാക് യുദ്ധം; ഉചിതമായ സമയമെന്ന് ബിപിൻ റാവത്ത്

ന്യൂഡൽഹി: പാകിസ്ഥാന് മറുപടി നല്‍കാനുള്ള സമയം ഇതാണെന്ന് ഇന്ത്യൻ കരസേന മേധാവി ബിപിന്‍ റാവത്ത്. ഇന്ത്യൻ സൈനികര്‍ക്ക് നേരെയുള്ള പാക് സൈന്യത്തിന്‍റേയും തീവ്രവാദികളുടേയും മനുഷ്യത്വമില്ലായ്മക്ക് മറുപടി നല്‍കണമെന്നും അദ്ദേഹം പറഞ്ഞു. ഇതിന്മേൽ ഒരു സമാധാന ചര്‍ച്ചകളും സാധ്യമല്ലെന്നും അദ്ദേഹം തുറന്നടിച്ചു.

പാകിസ്ഥാനുമായുള്ള സമാധാനചര്‍ച്ചയിൽ നിന്ന് ഇന്ത്യ പിന്‍മാറിയതിന് പിന്നാലെയാണിത്. ഈ പ്രസ്താവനയ്ക്കു മറുപടിയുമായി പാക് സൈന്യവും രംഗത്തെത്തിയിരിക്കുകയാണ്. പാകിസ്ഥാന്‍ യുദ്ധത്തിനു തയാറാണെന്ന് പാക്ക് സൈനിക വക്താവ് പറഞ്ഞതായി ദി ഡോണ്‍ വെബ്സൈറ്റ് റിപ്പോര്‍ട്ട് ചെയ്തിരിക്കുകയാണ്. പാകിസ്ഥാനിലെ ജനങ്ങളുടെ താത്പര്യം കണക്കിലെടുത്താണ് സമാധാന മാര്‍ഗ്ഗം സ്വീകരിച്ചിരിക്കുന്നതെന്നും
ഇന്‍റര്‍ സര്‍വീസ് പബ്ലിക് റിലേഷന്‍സ് ഡയറക്ടര്‍ ജനറല്‍ മേജര്‍ ജനറല്‍ ആസിഫ് ഗഫൂര്‍ മറുപടി നല്‍കിയിരിക്കുകയാണ്.