ചായ് വാലയുടെ അക്കൗണ്ടിൽ 4.8 കോടി; അബദ്ധമെന്ന് ബാങ്ക്

ജയ്പൂ‍ർ: അപ്രതീക്ഷിതസൗഭാഗ്യം കൈവന്ന പാക്കിസ്ഥാനിലെ ചായ് വാലയെ ഒാ‍ർമ്മയല്ലെ, എന്നാലിപ്പോൾ സൗഭാഗ്യം തലവേദനയായ ജയ്പൂരിലെ ചായ് വാലയാണ് ച‍ർച്ച. ജയ്പൂരിലെ ഉദ്യോഗ് ഭവനടുത്ത് ചായ വില്‍പ്പന നടത്തുകയാണ് രാജ്കുമാര്‍. പെട്ടെന്നൊരു ദിവസം 4.8 കോടി രൂപ രാജ്കുമാറിന്റെ അക്കൗണ്ടില്‍ ക്രെഡിറ്റായി. ആദായ നികുതി വകുപ്പ് ഉദ്യോഗസ്ഥ‍ർ വീട്ടിലെത്തിയപ്പോൾ രാജ്കുമാ‍ർ അമ്പരന്നു.

എത്ര വലിയ തുക എങ്ങനെ ലഭിച്ചുവെന്നും, കള്ളപ്പണം വെളുപ്പിച്ചതാണോയെന്നും ഉദ്യോഗസ്ഥ‍ർ തിരക്കി. തനിക്ക് സംഭവത്തെപ്പറ്റി ഒന്നുമറിയില്ലെന്ന് രാജ്കുമാ‍ർ പറഞ്ഞു. എന്തായാലും ബാങ്കിലെത്തി കാര്യങ്ങൾ തിരക്കിയപ്പോൾ ബാങ്ക് ഉദ്യോഗസ്ഥരുടെ ബാഗത്തു നിന്നുണ്ടായ പിഴവാണ് കാരണമെന്നറിഞ്ഞു. രാജ് കുമാ‍ർ ആയിരത്തിൻെറ 48 നോട്ടുകൾ ബാങ്കിൽ നിക്ഷേപിച്ചപ്പോൾ പൂജ്യം കൂടിപോയതാണ് എല്ലാം പ്രശ്നങ്ങൾക്കും കാരണം. തിരക്കിനിടയിൽ പറ്റിയ അബദ്ധമെന്നായിരുന്നു ബാങ്ക് അധികൃതരുടെ വിശദീകരണം.



English Summary: Chaiwala's account gets credited with Rs 4.8 crore, income tax department probe on