വീണ്ടും സര്‍ജിക്കല്‍ സ്ട്രൈക്ക്; സൂചന നല്‍കി കരസേനാ മേധാവി

ന്യൂഡല്‍ഹി: പാകിസ്ഥാന്‍ ഭീകരര്‍ക്കെതിരായി അടുത്ത സര്‍ജിക്കല്‍ സ്ട്രൈക്കിന് സമയമായെന്ന് സൂചന നല്‍കി കരസേനാ മേധാവി ബിപിന്‍ റാവത്ത്. പാകിസ്ഥാന്‍റെ പിന്തുണയോടെ ഭീകരര്‍ കാഷ്മീരില്‍ നുഴഞ്ഞുകയറാന്‍ ശ്രമിക്കുകയാണ്. പാകിസ്ഥാന് തങ്ങളുടെ സൈന്യത്തിന് മേല്‍ നിയന്ത്രണം നഷ്ടമായിരുക്കുന്നു. ഇന്ത്യയിലേക്ക് നിരന്തരം നുഴഞ്ഞുകയറാന്‍ ശ്രമിക്കുന്ന ഭീകരരെ അമര്‍ച്ച ചെയ്യുമെന്നും ബിപിന്‍ റാവത്ത് വ്യക്തമാക്കി.

അതിര്‍ത്തിയിലെ സ്ഥിതിഗതികളില്‍ യാതൊരു പുരോഗതിയുമില്ല. പാകിസ്ഥാന്‍റെ പിന്തുണയോടെ കാഷ്മീരില്‍ ചോരപ്പുഴയൊഴുക്കാനാണ് ഭീകരരുടെ ശ്രമം. ഭീകരര്‍ പൊലീസുകാരെയും ലക്ഷ്യം വെക്കുകയാണെന്നും ബിപിന്‍ റാവത്ത് പറഞ്ഞു. കഴിഞ്ഞദിവസം കാഷ്മീരിലെ ഷോപ്പിയാനില്‍ നിന്നും പൊലീസുകാരെ തട്ടിക്കൊണ്ടുപോയി സൈന്യം വധിച്ചിരുന്നു.